2 SAMUEL 19:5 - Biblia Guarani Tumpa Iñee

⁵ Jayave Joab ojo mburuvicha guasu pɨri, jare jei chupe: —Cheruvicha guasu, kuae ara opa remomaraiuka nderembiokuai reta nderekove oepɨ vae, nderaɨ reta, nderayɨ reta, nderembireko reta jare ïru kuña rerekoiño vae reta jekove oepɨ vae reta.

2 SAMUEL 19:5 ပူးပေါင်းရင်းမြစ်များ

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

2 SAMUEL 18:17

Javoi oipɨɨ reta Absalón jetegüe jare oitɨ reta metei ɨvɨkua guasu jókuae kaa pe oï vae pe, jare iárambo omboatɨ reta jeta ita. Opaete Israel pegua reta otekuarai jo ñavo kotɨ.

2 SAMUEL 19:13

Jare oyókuai vi jei vaerä Amasa pe: “Nde cherëtara ete kavi ko, jayave añave güive nde reïta chesundaro reta itenondegua eterä, Joab jekovia pe. Jare mbaetɨ jökorai ayapo ndeve yave, Tumpa täta toiporarauka cheve.”

2 SAMUEL 19:4

Mburuvicha guasu oñeäka-soi jare osapúkai täta: “¡Cheraɨ, Absalón! ¡Cheraɨ, Absalón!”

2 SAMUEL 19:6

Ërei kuae ara reechauka oreve, kërai mbaetɨ etei ndepɨa oï nderembiokuai reta kotɨ; echa reaɨu nemotareɨ vae jare remotareɨ nderaɨu vae reta. Kuae ara aecha, reyeroviata yepe Absalón oimeño oikove yave, yepe tëi ore opaetei romano.

2 SAMUEL 3:39

Jáeramo, che chepɨtu ko añeväe añave, yepe tëi mburuvicha guasurä ayeparavo aï; echa kuae kuimbae reta, Sarvia imembɨraɨe reta jeko pochɨ yae ko chevegua. ¡YandeYa tomboekovia kuae ikavimbae oyapo vae reta pe!

NEHEMÍAS 9:27

Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

SALMOS 3:8

Nde cheYa reporogüɨroasayepe vae ko; ¡ndeporerekua ndembae vae reta re!