2 SAMUEL 19:43 - Biblia Guarani Tumpa Iñee

⁴³ Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

2 SAMUEL 19:43 ပူးပေါင်းရင်းမြစ်များ

2 SAMUEL 19:14

Jökorai omokɨ̈reɨ opaete kuimbae reta Judá pegua, jayave jae reta metei rami omondo jeiuka ou ye vaerä mburuvicha guasu opaete isundaro reta ndive.

2 SAMUEL 19:9

Jare opaete vae, Israel iñemuña reta jëta ñavo rupi oyoaka reta: “Mburuvicha guasu David yandereepɨ yanderovaicho reta güi, filisteo reta ipo güi; ërei añave otekuarai kuae ɨvɨ güi Absalón güi okɨɨye jeko pegua.

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

2 SAMUEL 20:6

Jayave mburuvicha guasu David jei Abisai pe: —Seba, Bicri taɨ oasa eteta oyapo ikavimbae yandeve Absalón güi. Ekua nde chesundaro reta ndive jare eaɨkuemoña, güɨramoi oväeta iyeupe tëta oñekëse kavi vae, jare ojoyepe yandegüi.

2 SAMUEL 5:1

Yogüeru opaete Israel iñemuña reta David pɨri, Hebrón pe, jare omomiari reta körai: “Mase, ore nerëtara ete ko, metei tugüɨ vae.

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

PROVERBIOS 15:1

Ñee yeaeä, omoröɨsa arasɨ; ërei ñeeasɨ katu, ombojeiete arasɨ.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

PROVERBIOS 18:19

Oñoëtara ete vae oyomboarasɨ vae oñemoëguaä etei, tëta guasu ikësea jëguambae vae güi. Oñoëtara vae reta oñeapo oyoe vae, mburuvicha jo ikësea oyeokenda avei vae rami ko.

Romanos 12:21

Agüɨye eñemoamɨriuka ikavimbae pe. Jaeño ikavimbae emoamɨri ikavi vae rupi.

Gálatas 5:15

Ërei peñeraro reteiño oyoupii yave, opata ko peñomokañɨtei.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

Santiago 1:20

echa iyarasɨ vae ngaraa oyapo jupi vae Tumpa omboyerovia vae.

JUECES 8:1

Efraín iñemuña pegua reta iyarasɨ jare oyoaka reta Gedeón ndive, echa jae mbaetɨ omondo omombarandu reta yogüɨraja yave oñeraro Madián iñemuña reta ndive.

JUECES 9:23

Tumpa ombou yemongeta ikavimbae Abimelec pe jare Siquem pegua kuimbae reta pe, jare Siquem pegua reta opüa Abimelec re,