2 SAMUEL 18:8 - Biblia Guarani Tumpa Iñee

⁸ Jare ñeraro oñemoai opaete jókuae ɨvɨ rupi; kaa tëɨ yavaete yae vae jeko pegua jeta omano jókuae ara, ñeraro pe etei mbaetɨ tëi jeta ete omano vae.

2 SAMUEL 18:8 ပူးပေါင်းရင်းမြစ်များ

2 SAMUEL 18:7

jare Israel pegua reta oñemoamɨriuka jëtara David jupiegua reta pe. Jeta vae omano joko pe jókuae ara, veinte mil kuimbae.

2 SAMUEL 18:9

Absalón iparanoe oñoövaiti David jupiegua reta ndive, jare mburika guasu opo oiko jese vae oike metei ɨvɨra tëɨ yae vae encina jee vae igüɨ rupi, jare Absalón iñäka oyepókoi jókuae ɨvɨra jäkambɨ pe, osavava opɨta joko pe, echa imburika guasu oasa ojo.

1 REYES 20:30

Ïru sundaro reta otekuarai tëta Afec kotɨ, ërei tëta guasu ikësea osururu jókuae veintisiete mil sundaro otekuarai tëi vae re. Ben-adad otekuarai vi jare ojo jókuae tëta guasu pe oñemi o ñavo rupi.

SALMOS 3:7

¡Epüa, cheYa! Chereroasayepe cheRu Tumpa. Echa nde reovapete opaete cherovaicho reta; ¡jeko pochɨ vae reta jäi remopë!

SALMOS 43:1

CheRu Tumpa, toyeapo cheve jupi vae; ¡chereepɨ iyoa vae reta güi! ¡Chereepɨ iyapu jare ipɨapochɨ vae reta güi,

ÉXODO 15:10

Ërei reipeyu ndeɨvɨtu pe, jare ɨguasu opa oyasoi reta; opa opɨta ɨ rugua yavaete yae vae pe, jiero oa ɨ rugua pe rami.

PROVERBIOS 24:21

Cheraɨ, eipoɨu yandeYa güi jare mburuvicha guasu güi; agüɨye eyemoinge tovaicho reta ipɨte pe,

PROVERBIOS 24:22

echa güɨramoiño opata okañɨtei reta, jare mbaetɨ kia ave oikuaa Tumpa jare mburuvicha guasu iporonupa kërai yave ra vae.

JOSUÉ 10:11

Jare otekuarai yogüɨraja ramboeve Israel iñemuña reta güi, Bet-horón güi yagüeyɨa pe, yandeYa oitɨ jese reta amandau tuichagüe jare oyuka jeta amorreo reta Israel iñemuña reta oyuka vae güi.