2 SAMUEL 17:8 - Biblia Guarani Tumpa Iñee

⁸ Nde reikuaa ko kërai nderu jare isundaro reta jëia yae ko, iyarasɨ yae ko añave aipo ñogüɨnoi reta, mbaemɨmba kaa rupigua imembɨ oñepɨ̈ro chugüigüe rami. Jare nderu ko, kuimbae ñeraro regua, ngaraa oke jupiegua reta ndive.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Jare opaete imborɨa reta oyemboɨ iyɨpɨ pe, jare vi cereteo reta jare peleteo reta, jare seisciento kuimbae Gat pegua yogüeru jupíe vae oasa reta jae jenonde.

2 SAMUEL 17:9

Añave voi oime ko aipo oñemi oï kia nunga ɨvɨkua pe, ani oipota rupi. Jare ïru mbae jae ko, ndesundaro reta güi omano yave mbovɨ, oendu vae reta jeita: “Absalón jupiegua reta opa ñamɨri.”

2 SAMUEL 23:16

Jayave jókuae mboapɨ jëia vae reta oike filisteo reta jeyupa pe, jare güɨnoe reta ɨ jókuae ɨkua Belén jöke pe oï vae güi jare güeru reta David pe. Ërei jae mbaetɨ oipota jou, opɨyere mbotarä yandeYa pe, jei reve:

2 SAMUEL 23:18

Abisai, Joab tɨvɨ, Sarvia imembɨraɨe jae ko jókuae treinta vae reta itenondegua. Jae oyuka imii pe metei ara tresciento filisteo reta. Jökorai jërakua yae vi jókuae mboapɨ vae reta ndive.

2 REYES 2:24

Eliseo oyerova omae jókuae kunumi reta re, jare oyepopeyu jese reta yandeYa jee re. Jökorai rupive oë mboapɨ oso kaa güi, jare opa oyuka cuarenta y dos jókuae kunumi reta güi.

PROVERBIOS 17:12

Jaekaviño ko ñañoövaiti mɨmba imembɨmii vae imembɨ oñepɨ̈ro chugüi vae ndive, metei iyarakuaambae ndive ñañoövaiti vae güi.

PROVERBIOS 28:15

Yaguapope oñee mbae oeka ani oso yɨmbɨaɨ yae oï vae rami, jökorai ko mburuvicha jupimbae oï metei tëta paravete vae juvicharä yave.

EZEQUIEL 19:2

‘Ndesɨ yaguapope kuña, oikose yaguapope reta ndive. Oyapo ikuarä jae reta ndive, jare joko pe ombokuakuaa imembɨ reta.

DANIEL 7:5

Mokoía mbaeporou jae ko oso rami, opüa oyemboɨ oyemboakatu jókuae ïru güi jare iyuru pe oichuu güɨnoi mboapɨ ärukagüe; jare aendu jei chupe vae körai: ‘¡Epüa, ekua jeu jeta soo ndepuere rupi!’

OSEAS 13:8

Aëta tape pe aövaiti metei oso kuña imembɨ oñepɨ̈ro chugüi vae rami, amopächata. Yaguapope oporou rami opata jau, mbaeporou oporoapo rami opata ambojaɨ jaɨ.

JUECES 18:25

Ërei Dan iñemuña reta jei chupe: —Agüɨye neñeeäta oreve, echa güɨramoi amogüe orepɨte güi iyarasɨ katu vae oñemopüata nderé, jare nemokañɨteita opaete nerëtara ndive.

1 SAMUEL 16:18

Jayave metei iyɨvɨrigua jei: —Mase, che oime aecha metei Isaí Belén pegua taɨ reta güi, oikatu yae ombopu arpa vae, jëia ñeraro regua, yarakuaa katu imiari vaerä, kunumi kavi jare yandeYa oï jae ndive.

1 SAMUEL 17:50

Jayave David osɨi jare opɨ̈ro filisteo iárambo; jare ikɨsepuku güɨnoe chugüi jɨru güi, jare oiñäka-sɨa pɨpe, jökorai oyuka ete. Jökorai David omoamɨri jókuae filisteo tamamboka pe jare ita pe; ombopere jare oyuka güɨnoimbae reve David kɨsepuku ipo pe. Jare filisteo reta oecha isundaro jëia yae ñeraro pegua vae omano yave, otekuarai reta.

1 SAMUEL 23:23

Pemae kavi jese kerupi rupi oñemi vae re, jare peyu ye pemombeu kavi cheve, aja vaerä pe ndive, jare jae oime yave oï joko pe, che taeka opaete ɨvɨ Judá rupi.