2 SAMUEL 17:14 - Biblia Guarani Tumpa Iñee

¹⁴ Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:14 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 15:34

ërei reyerova ye tëta guasu pe jare rere yave Absalón pe: “Cheruvicha guasu, tayeokuai ndeve nderu pe ayeokuaise rami.” Jökorai chemborɨ ñarokomegua Ahitofel iporomboarakuaa chugüi,

2 SAMUEL 16:23

echa jókuae ara rupi, Ahitofel pe oparandu mbae re yave vae, Tumpa pe etei oparandu rami oyapo reta; jökorai Ahitofel iporomboarakuaa David pe jare Absalón pe.

2 CRÓNICAS 10:15

Jare mburuvicha guasu mbaetɨ oyeapɨsaka jeta vae reta re, echa Tumpa omaeño jökorai oasa yandeYa iñee oyembopo vaerä Ahías Silo pegua rupi Jeroboam, Nabat taɨ kotɨ vae.

2 CRÓNICAS 10:8

Ërei jae mbaetɨ oyapo tenondegua reta jei chupe vae, oparandu taɨrusu reta pe, jae iyaveigua vae reta pe, iyɨvɨrigua reta pe,

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

2 CRÓNICAS 25:20

Ërei ngatu Amasías mbaetɨ oipota oendu, echa Tumpa jemimbota ko kuae, jae oipota ramo omee jovaicho reta ipo pe, Edom pegua tumpa reta omboete reta jeko pegua.

NEHEMÍAS 4:15

Jare tovaicho reta oikuaa ore roikuaa ko chugüi reta, jare kërai Tumpa opa güɨrokomegua oyemongeta tëi oyapo reta vaerä oreve vae yave, opa oyerova yogüɨraja ye; jare opaete ore rojo ye tëta guasu ikësea kotɨ oreparavɨkɨa rupi.

JOB 12:17

Tumpa opɨ̈ro arakuaa, oporomboarakuaa vae reta güi, jare mburuvicha oporojäa vae reta güi, opɨ̈ro arakuaa.

SALMOS 9:15

Tëtaguasu reta opa oa, jae reta oyoo ɨvɨkua vae pe, jae reta ñuai oñono vae pe oa.

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

ÉXODO 9:16

che, añetete roñono aechauka vaerä nderé chembaepuere, oñemoërakua vaerä cheree opaete ɨvɨ rupi.

PROVERBIOS 19:21

Kuimbae ipɨa pe jeta iyemongeta, ërei yandeYa jei vaeño ko oyeapota.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

LAMENTACIONES 3:37

¿Kia pa ipuere jei, mbae oyeapo vae, yandeYa güiä ko ou vae?

AMÓS 9:3

Ɨvɨtɨ guasu Carmelo iyapɨte re oñemi yave, joko pe aekata aipɨɨ; yepe mona oñemi tëi chegüi ɨguasu jugua pe, joko pe amondota mboi oichuu vaerä.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

1 Corintios 3:19

Echa Tumpa pe arakuaa kuae ɨvɨ pegua arakuaaä ko. Echa oyekuatía oï körai: “Tumpa oipɨɨ iyarakuaa vae reta jeko pe aeño.”

DEUTERONOMIO 2:30

Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.

JOSUÉ 11:20

echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.