2 SAMUEL 17:10 - Biblia Guarani Tumpa Iñee

¹⁰ Jökorai yave kuimbae jëia yae yagua rami vae ave ko ipɨtu yaeta; echa opaete Israel pegua reta oikuaa ko nderu jare jupiegua reta, jëia yae vae reta ko.

2 SAMUEL 17:10 ပူးပေါင်းရင်းမြစ်များ

GÉNESIS 49:9

Judá, yaguapope ndeigüe rami nde, jembia opa jou vae oyapakua ɨvɨ re, yaguapope tuichagüe nunga: ¿Kia pa omombata?

2 SAMUEL 1:23

Saúl jare Jonatán aaɨu vae reta, jekove pe ani mano pe ave yepe mbaetɨ oyomboyao reta oyougüi. ¡Güɨraké güi iñäkua yae reta yepi! ¡Yaguapope güi ipɨ̈rata yae reta yepi!

2 SAMUEL 17:9

Añave voi oime ko aipo oñemi oï kia nunga ɨvɨkua pe, ani oipota rupi. Jare ïru mbae jae ko, ndesundaro reta güi omano yave mbovɨ, oendu vae reta jeita: “Absalón jupiegua reta opa ñamɨri.”

2 SAMUEL 23:20

Benaía, Joiada taɨ, kuimbae jëia yae vae, jeta mbaembae tuichagüe oyapo. Jae ko tëta Cabseel pegua. Jae oyuka mókoi reve yaguapope Moab pe. Metei ara iroɨ oa oï reve ogüeyɨ ɨvɨkua pe joko pe oyuka metei yaguapope.

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

ÉXODO 15:15

jayave Edom pegua sundaro ruvicha reta opata ipɨajopa; Moab pegua jëia yae vae reta orɨrɨita okɨɨye güi; ipɨtuta opaete Canaán pe yogüɨreko vae reta.

PROVERBIOS 28:1

Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

CANTARES 3:7

¡Jae ko Salomón ivoɨka! Sesenta sundaro jeia yae vae Israel pegua yogüeru iyɨke rupi;

ISAÍAS 13:7

Jáeramo, opaete vae ipɨtuta, opaete vae ipɨa jëogüeta,

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

EZEQUIEL 21:15

Kuae kɨsepuku oporomongɨɨye yaeta, jeta yaeta oporoyuka. Opaete o reta rupi oimeta kɨɨye kɨsepuku oporoyuka vae güi. Kuae kɨsepuku jembipe oï overa vaerä, oyeimbeeasɨ oporoaseokɨ̈ti vaerä vae.

DEUTERONOMIO 1:28

Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’

Hebreos 11:34

ombogüe reta tata yavaetegüe, oasayepe reta kɨsepuku güi, oñemomɨ̈rata reta ipɨtu pɨte pe, imbaepuere yae reta ñeraro pe, opa ombotekuarai tovaicho ketɨgua reta.

1 SAMUEL 16:18

Jayave metei iyɨvɨrigua jei: —Mase, che oime aecha metei Isaí Belén pegua taɨ reta güi, oikatu yae ombopu arpa vae, jëia ñeraro regua, yarakuaa katu imiari vaerä, kunumi kavi jare yandeYa oï jae ndive.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.