2 SAMUEL 16:23 - Biblia Guarani Tumpa Iñee

²³ echa jókuae ara rupi, Ahitofel pe oparandu mbae re yave vae, Tumpa pe etei oparandu rami oyapo reta; jökorai Ahitofel iporomboarakuaa David pe jare Absalón pe.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Jare Absalón omee ramboeve mɨmba oyeyukagüe, omondo oenɨiuka tëta Gilo güi Ahitofel, jae ko metei David imboarakuaa. Jayave teko jeiete oyeapo ojo oiko, jare jeta ma Absalón jupiegua reta.

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 17:1

Kuae jaɨkue rupi Ahitofel jei Absalón pe: —Añave emaeño taiparavo doce mil kuimbae, jare kuae pɨ̈tu voi taë taɨkuemoña David.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

JOB 5:12

Ipoki ikavimbae oyapo vae reta iyemongeta güɨrokomegua chugüi, agüɨye vaerä mbae oyapo reta.

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

SALMOS 28:2

Eendu romoñera vae, asapúkai ndekotɨ yave, chepo aupi ndetupao oñeñono tee vae kotɨ yave.

ECLESIASTÉS 10:1

Mberu omanogüe omoine mbae ikäti kavi yae vae. Jökorai ko, mbae michi vae rupi oñererokomegua iyarakuaa vae jare imboetea yae vae.

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

Romanos 1:22

Iyarakuaa katu yae reta oyeapo, ërei iyarakuaambae vae reta ko.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.