2 SAMUEL 16:10 - Biblia Guarani Tumpa Iñee

¹⁰ Ërei mburuvicha guasu jei chupe: —Sarvia imembɨraɨe reta, kuae teko mbaetɨ ko pe reta ndive. Güɨramoi yandeYa oyókuai jei vaerä cheve kuae ñee jasɨ katu vae, jökorai ko yave, ¿kia pa mbae jeita chupe?

2 SAMUEL 16:10 ပူးပေါင်းရင်းမြစ်များ

GÉNESIS 50:20

Pe reta peyemongeta ikavimbae chekotɨ, ërei Tumpa oipoepɨ ikavimbae vae ikavi vae pe, oyeapo vaerä añave yaecha vae, oasayepe vaerä jeta tekove.

2 SAMUEL 19:22

Ërei David jei: —¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.

2 SAMUEL 19:23

Javoi jei Tumpa jee re Simei pe, mbaetɨta omano vae.

2 SAMUEL 3:39

Jáeramo, che chepɨtu ko añeväe añave, yepe tëi mburuvicha guasurä ayeparavo aï; echa kuae kuimbae reta, Sarvia imembɨraɨe reta jeko pochɨ yae ko chevegua. ¡YandeYa tomboekovia kuae ikavimbae oyapo vae reta pe!

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

1 REYES 2:5

Añave reikuaa kavi ma Joab, Sarvia imembɨraɨe oyapo cheve vae, jae oyuka mókoi sundaro reta itenondegua ete Israel pegua: Abner, Ner taɨ, jare Amasa, Jeter taɨ, jae oyepɨ mbɨakatu iara pe, ñeraroa pe jeta omano vae re, chemboeko reve jókuae mano re.

2 REYES 18:25

¿Rerovia pa che ayu aporepeña amboai vaerä kuae tëta guasu yandeYa iporomborɨmbae reve? ¡Jae ko cheokuai aporepeña vaerä jese jare amboai vaerä!

JOB 9:12

Mase, jae mbae opɨ̈ro yave, ¿kia pa ipuereta omboeta chupe? ¿Kia pa jeita chupe: “Mbae pa reyapo”?

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

ECLESIASTÉS 8:4

Echa mburuvicha guasu iñee güɨnoi ko mbaepuere, jare ngaraa metei ave jei chupe: “¿Mbae pa reyapo?”

LAMENTACIONES 3:37

¿Kia pa ipuere jei, mbae oyeapo vae, yandeYa güiä ko ou vae?

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

San Mateo 16:23

Ërei Jesús oyerova jei Pedro pe: —Esɨrɨ chegüi, Satanás. Echa reipota chemboavai. Reyemongeta ɨvɨ pegua reta oyemongeta rami, mbaetɨ Tumpa oyemongeta rami.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Juan 18:11

Jayave Jesús jei Pedro pe: —Eñono ye ndekɨsepuku jɨru pe. CheRu omee aiporara vaerä vae, aiporara ñotai ko.

Romanos 9:20

Ërei nde, kuimbae ¿kia pa nde reñeengata vaerä Tumpa pe? Echa ɨvɨyapepo ¿ipuere pa iñeengeta iyapoa pe, jei: “Maera pa nde cheapo körai”?

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”