2 SAMUEL 16:1 - Biblia Guarani Tumpa Iñee

¹ Jare David oasamí ma ɨvɨtɨ yave, ko ou oövaiti Siba, Mefi-boset jembiokuai. Güɨraja mókoi mburika kuimbae ivoɨta reve reve, güɨraja dosciento mbɨyape, cien iɨ uva ia oñemotini oyeapasogüe, cien ipe ɨva oñemotini oyeapasogüe, jare vino metei jɨru.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

2 SAMUEL 15:32

Jare David ojo ma oväe ɨvɨtɨ iyapɨte re omboete vaerä Tumpa yave, ko ou oövaiti arquita Husai, jemimonde omondoro reve jare ɨvɨ iñäka re ipɨatɨtɨ güi.

2 SAMUEL 19:17

Mil kuimbae Benjamín iñemuña pegua yogüɨraja jae ndive. Jaeramiño vi Siba, Saúl jembiokuaigüe ou quince taɨ ndive jare veinte jembiokuai reta ndive; omopane mburuvicha guasu opa yogüɨraja oväe Jordán pe

2 SAMUEL 19:32

Barzilai indechi yae ma, güɨnoi ma ochenta año, jae omee jeta mbaembae mburuvicha guasu David pe, ojo oväe tëta Mahanaim pe yave, echa kuimbae oikokatu yae vae ko.

1 CRÓNICAS 12:40

Jëta-ɨpɨ rupigua reta, jare Isacar iñemuña reta, Zabulón jare Neftalí iñemuña reta ave, güɨraja tembíu chupe mburika re, camello re, mburika guasu jare güeye re. Oipotagüe tembíu güɨraja reta jeta: Trigokúi, ɨva oyemboipe oñemotinigüe, uva oñemotinigüe, vino, asaite, toro jare vecha; echa oime yerovia tuichagüe Israel pe.

PROVERBIOS 18:16

Kuimbae, mbota omee vae rupi oipea tape iyeupe, jökorai oike mburuvicha reta pe ave.

JEREMÍAS 40:10

Che, apɨtata Mizpa pe, añemoë vaerä peré Caldeaɨgua reta jóvai, yogüeru yave kuae pe. Peparavɨkɨ, pemboɨru vino, temitɨ ia oñemotinigüe jare olivo iasaite, jökorai peiko tëta guasu reta peikota pɨpe vae pe.”

JEREMÍAS 40:12

Jayave yogüeru ye Judáɨgua reta ɨvɨ Judá pe, opaete ketɨ ketɨ rupi ñogüɨnoia güi, Gedalías pɨri Mizpa pe. Jare omboɨru reta vino jare temitɨ ia oñemotinigüe jeta yeyé.

AMÓS 8:1

Körai oechauka cheve yandeYa Tumpa: YandeYa Tumpa oechauka cheve metei kanata tɨnɨe oï pɨpe temitɨ ia yagüɨyegüe.

MIQUEAS 7:1

¡Tataɨ re! Kuaraɨ guasu pe temitɨ iagüe oeka vae rami ko aï, uva iagüe re oyevɨka reta vae rami, ërei mbaetɨ etei kërai yepe aväe; ayúe tëi mbaagüɨyerɨpɨ.

1 SAMUEL 10:3

Javoi joko güi reasa kutɨ katu, reo reväe ɨvɨra encinarupa Tabor pe oïa pe yave, nerövaitita mboapɨ kuimbae reta Bet-el kotɨ yogüɨraja omboete vaerä Tumpa vae; metei güɨraja mboapɨ kavara kuimbae taɨrusu vae, ïru güɨraja mboapɨ mbɨyape, jare kuimbae mboapɨa güɨraja metei jɨru vino.

1 SAMUEL 16:20

Javoi Isaí ombovoɨta imburika mbɨyape pe, metei jɨru vino pe, jare metei kavara raɨ, jare omondo Saúl pe taɨ David ndive.

1 SAMUEL 25:18

Jayave Abigail oipɨɨ dosciento mbɨyape, mókoi jɨru vino, pandepo vecha oyemboyɨgüe, pandepo jɨru mbae jäɨ oyeimbegüe, cien iɨ uva oñemotini oyeapasogüe, jare dosciento ipe ɨva oñemotini oyeapasogüe. Jare ombovoɨta imburika reta.