2 SAMUEL 15:8 - Biblia Guarani Tumpa Iñee

⁸ Che nderembiokuai aiko Gesur pe Siria pe yave ayapo metei ñererökuavee yandeYa pe, jae reve: “CheYa chereraja ye Jerusalén pe yave, tamee mbaemboete ndeve.”

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Javoi opüa ojo Gesur kotɨ, güeru Absalón Jerusalén pe.

2 SAMUEL 14:32

Jare Absalón jei chupe: —Amondo tëi roenɨiuka reyu vaerä romondo mburuvicha guasu pɨri, rere vaerä chupe: ¿Maera ra ayu Gesur güi vae? Apɨta kaviñota tëi yepe joko pe. Aipota aecha mburuvicha guasu, jare oime cheré mbae teko yave, tacheyuka.

2 SAMUEL 15:9

Jare mburuvicha guasu jei chupe: —Ekua mbɨakatu ndive. Jare Absalón opüa jare ojo Hebrón pe.

2 SAMUEL 3:3

jare mokoía ko jee Quileab, Abigail imembɨ, jae ko Nabal amɨri Carmel pegua jembirekogüe; mboapɨa jee Absalón, Maaca imembɨ; Maaca ko Talmai mburuvicha guasu Gesur pegua tayɨ;

SALMOS 56:12

CheRu Tumpa, cheré oï añererökuavee ndeve vae, ameeta ndeve mbaemboete.

ECLESIASTÉS 5:4

Tumpa pe mbae rerökuavee yave, agüɨye eäro rembopo vaerä, echa jae mbaetɨ ipɨakatu yarakuaambae reta re. Embopo jókuae rerökuavee vae,

ISAÍAS 28:15

Pe reta pere: “Oremiari kavi mano ndive jare omanogüe reta ñogüɨnoia ndive. Jayave mbaesusere ou yave ngaraa maratu roasa, echa roeka royepɨɨ vaerä apu re, jare roñemi vaerä yembotavɨ re.”

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 16:2

Jare Samuel jei: —¿Këraita pa aja? ¡Saúl oikuaa yave, cheyukata ko! Jare yandeYa jei chupe: —Eraja guaka reta güi metei guaka taɨrusu vae, jare ere: “Ayu ko amee vaerä yandeYa pe mɨmba oyeyukagüe.”