2 SAMUEL 15:31 - Biblia Guarani Tumpa Iñee

³¹ Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Jare Absalón omee ramboeve mɨmba oyeyukagüe, omondo oenɨiuka tëta Gilo güi Ahitofel, jae ko metei David imboarakuaa. Jayave teko jeiete oyeapo ojo oiko, jare jeta ma Absalón jupiegua reta.

2 SAMUEL 16:23

echa jókuae ara rupi, Ahitofel pe oparandu mbae re yave vae, Tumpa pe etei oparandu rami oyapo reta; jökorai Ahitofel iporomboarakuaa David pe jare Absalón pe.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

2 SAMUEL 17:5

Ërei Absalón oyókuai oenɨi reta vaerä vi arquita Husai mbae ra jae jeita vae.

2 SAMUEL 17:7

Jayave Husai jei Absalón pe: —Kuae yemboarakuaa Ahitofel omee añave vae mbaetɨ ikavi.

JOB 5:12

Ipoki ikavimbae oyapo vae reta iyemongeta güɨrokomegua chugüi, agüɨye vaerä mbae oyapo reta.

SALMOS 109:3

Cheatɨ reta ñee ñemotareɨ pegua pe, ¡oñemopüa reta chekotɨ jupimbae reve!

SALMOS 3:1

CheYa Tumpa, jeta yae cherovaicho, jeta yae oyovaicho chekotɨ vae,

SALMOS 41:9

Chevɨaka ave, jese arovia katu vae, okaruse che ndive vae, oyeapa cheré.

SALMOS 55:10

Ara pe jare pɨ̈tu yave oyere tëta guasu ikësea iárambo rupi, ikavimbae jare omaepɨ̈ro vae oime pɨpe.

SALMOS 55:12

Mbaetɨ chemomarai metei tovaicho jókuae aropɨata tëi ko, mbaetɨ ave ipo omopüa chekotɨ chemotareɨ vae, chepuere añemi chugüi vae.

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

1 Corintios 1:20

¿Jama pa iyarakuaa vae? ¿Jama pa mborookuai re oporomboe vae? ¿Jama pa iyoakase kuae ɨvɨ pe vae? Echa Tumpa oikuaauka kërai arakuaa kuae ɨvɨ pegua mbokereño ko.

Santiago 3:15

Echa jókuae arakuaa mbaetɨ ko ou Tumpa güi. Ɨvɨ peguaño ko, kuimbae reta iyarakuaaño ko, aña pegua ko.