2 SAMUEL 15:12 - Biblia Guarani Tumpa Iñee

¹² Jare Absalón omee ramboeve mɨmba oyeyukagüe, omondo oenɨiuka tëta Gilo güi Ahitofel, jae ko metei David imboarakuaa. Jayave teko jeiete oyeapo ojo oiko, jare jeta ma Absalón jupiegua reta.

2 SAMUEL 15:12 ပူးပေါင်းရင်းမြစ်များ

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 16:15

Absalón oike Jerusalén pe opaete jupiegua reta ndive, Israel iñemuña reta jae ndive yogüɨreko vae, jare Ahitofel vi.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

2 SAMUEL 23:34

Elifelet, Ahasbai Maaca taɨ; Eliam, Ahitofel Gilo pegua taɨ;

1 REYES 21:12

Omoërakua reta yekuaku tembíu güi vae jare omboguapɨ reta Nabot opaete vae jóvai.

1 REYES 21:9

Jókuae oikuatía vae pe jei: “Pemoërakua yekuaku tembíu güi vae, jare peñono Nabot re opaete vae jóvai.

1 CRÓNICAS 27:33

Ahitofel jae vi omboarakuaa mburuvicha guasu vae, jare Husai arquita, jae ko kuimbae mburuvicha guasu güɨrovia katu vae.

SALMOS 41:10

Ërei ngatu nde cheYa, cheparareko jare chemopüa, jare tayepɨ jese reta.

SALMOS 41:9

Chevɨaka ave, jese arovia katu vae, okaruse che ndive vae, oyeapa cheré.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

NÚMEROS 23:1

Balaam jei Balac pe: —Emopüa cheve kuae pe chiu mɨmba oyeyuka oyeapɨ jese vae, jare eipɨɨ chiu toro taɨrusu vae jare chiu vecha kuimbae.

NÚMEROS 23:14

Jare Balac güɨraja Balaam Zofim pe, ɨvɨtɨ Pisga iyapɨte re, jare omopüa chiu mɨmba oyeyuka oyeapɨ jese vae reta, jare omee metei toro taɨrusu vae jare metei vecha kuimbae mɨmba oyeyuka oyeapɨ jese vae ñavo re.

NÚMEROS 23:30

Jare Balac oyapo Balaam jei chupe rami; jare Balaam omee metei toro taɨrusu vae jare metei vecha kuimbae mɨmba oyeyuka oyeapɨ jese vae ñavo re.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

JOSUÉ 15:51

Gosén, Holón jare Gilo; once tëta guasu; tëta guasu ñavo güɨnoi tëta raɨ raɨ.