2 SAMUEL 15:10 - Biblia Guarani Tumpa Iñee

¹⁰ Jayave Absalón omondo ñee jerajaa reta opaete Israel iñemuña reta pe jei reve: “Peendu mimbɨguasu oñee yave, pemoërakua Absalón oyeparavo ko mburuvicha guasurä Hebrón pe vae.”

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

2 SAMUEL 14:30

Jayave Absalón jei jembiokuai reta pe: —Mase, Joab iko oï cheko iyɨpɨ pe, jare oime güɨnoi pɨpe cebada. ¡Pekua pemoendɨ tata jese! Jare Absalón jembiokuai reta opa yogüɨraja omoendɨ tata jese,

2 SAMUEL 15:9

Jare mburuvicha guasu jei chupe: —Ekua mbɨakatu ndive. Jare Absalón opüa jare ojo Hebrón pe.

2 SAMUEL 19:10

Jare Absalón, yaiparavo tëi yanderuvicharä vae omano ñeraro pe. ¿Mbae pa ñaäro, maera pa mbaetɨ yaru ye mburuvicha guasu?”

2 SAMUEL 2:1

Kuae jaɨkue rupi David oparandu yandeYa pe, jei reve: —¿Ajata pa kia nunga tëta guasu Judá pegua pe? Jare yandeYa jei chupe: —Ekua. Jare David jei ye: —¿Kia pe pa ajata? Jare jae jei chupe: —Ekua Hebrón pe.

2 SAMUEL 2:11

Jare David oiko mburuvicha guasurä Hebrón pe, Judá iñemuña reta re chiu año jare ova yasɨ.

2 SAMUEL 5:5

Hebrón pe oiko mburuvicha guasurä chiu año jare ova yasɨ ɨvɨ Judá re; Jerusalén pe oiko mburuvicha guasurä treinta y tres año, opaete Israel iñemuña reta re: Ɨvɨ Israel pe jare ɨvɨ Judá pe.

1 REYES 1:11

Jayave Natán imiari Betsabé, Salomón ichɨ ndive, jare jei chupe: —¿Reikuaa ma pa Adonías, Haguit imembɨraɨe oñemoërakua mburuvicha ko vae, oikuaambae reve yanderuvicha David?

1 REYES 1:34

jare joko pe sacerdote Sadoc jare ñeemombeúa Natán opa güire oñono tee Israel iñemuña reta juvicha guasurä, pemoñee mimbɨguasu, pesapúkai jare peyepopete reve mburuvicha guasu Salomón re.

2 REYES 9:13

Jökorai jei rupive metei ñavo jókuae mburuvicha guasu imborɨa reta oipɨɨ ñeapevaka jare oipɨso reta mburuvicha guasu iguapɨa pe ɨvate, javoi omoñee reta temimbɨ vecha kuimbae-räti pegua, jare osapúkai reta: “¡Jehú jae ko mburuvicha guasu!”

1 CRÓNICAS 11:3

Jökorai yogüeru opaete Israel iñemuña reta itenondegua reta mburuvicha guasu David pɨri Hebrón pe, jare jae oyapo morogüɨrökuavee päve jae reta ndive Hebrón pe yandeYa jóvai. Jayave jae reta omboguapɨ David mburuvicha guasurä Israel re, Tumpa güɨrökuavee rami Samuel rupi.

1 CRÓNICAS 12:23

Kuae jae opaete reve oyemboatɨ David ndive Hebrón pe ñeraro peguarä vae, omboasa reta vaerä Saúl iporookuaía chupe, yandeYa jei rami:

1 CRÓNICAS 12:38

Opaete kuae kuimbae reta oïndaivi oñeraro vaerä vae yogüɨraja metei yemongeta ndive Hebrón pe omboguapɨ vaerä David mburuvicha guasurä opaete Israel iñemuña reta re; jare opaete ïru Israel iñemuña reta metei rami vi ipɨa oyeapo vaerä jökorai.