2 SAMUEL 15:1 - Biblia Guarani Tumpa Iñee

¹ Kuae jaɨkue rupi Absalón ogua iyeupe käretou ñeraro pegua jare kavayu reta, jare cincuenta kuimbae reta, oyangareko jese vaerä.

2 SAMUEL 15:1 ပူးပေါင်းရင်းမြစ်များ

2 SAMUEL 12:11

Mase, che amopüaukata ndekotɨ ikavimbae neñemuña reta güi aeño; nderóvai aipɨɨta nderembireko reta jare ameeta nderapicha pe, jare oyapakuata nderembireko reta ndive ara pe etei.

1 REYES 1:33

jei chupe reta: —Peraja perupíe mburuvicha cheɨvɨrigua reta, jare cheraɨ Salomón pembopo chemburika guasu re, jare peraja Gihón pe;

1 REYES 1:5

Adonías David taɨ, Haguit imembɨraɨe oñemopüa oñemoërakua reve jae oiko vaerä mburuvicha guasurä. Ogua iyeupe käretou reta ñeraro pegua, jare omboatɨ kavayu regua reta jare cincuenta kuimbae jenonde yogüɨreko vaerä.

SALMOS 20:7

Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

PROVERBIOS 11:2

Pɨayemboete oimea pe mbaetɨ mboromboete; ërei oñemomichi vae pe oime arakuaa katu.

PROVERBIOS 16:18

Oime susere, pɨ ayembotuich oime ramo; oime tembiporara, pɨayemboete oime ramo.

PROVERBIOS 17:19

Omomora jei ñeeasɨ katu vae, omomora ñeraro; oyembotuicha yae vae, jae aeño ko oeka iyeupe mbaesusere.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’

1 SAMUEL 8:11

Jei chupe reta: —Kuae ko oyapota jókuae peruvicha guasurä oïta vae: Güɨrajata peraɨ reta, jare oñonota käretou pe ñeraro regua retarä, jare kavayu regua retarä, jare jae järoarä.