2 SAMUEL 13:28 - Biblia Guarani Tumpa Iñee

²⁸ Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

2 SAMUEL 13:28 ပူးပေါင်းရင်းမြစ်များ

GÉNESIS 9:21

Jou vino jókuae uva güi oyeapogüe, osavaɨpo, jare inandi etei oyepɨso oï jo guakapi pegua mbɨte pe.

2 SAMUEL 11:13

Jare David omee okaru jare okau jae ndive, ombosavaɨpo regua. Jare jae kaaru ma yave oë ojo oke juvicha guasu jembiokuai reta pɨri; jare mbaetɨ ojo jo kotɨ.

2 SAMUEL 11:15

Jókuae tupapire oikuatía vae pe jei: “Eñono tenonde Urías, ñoraro jeiete yaea pe etei, javoi pesɨrɨ chugüi, ipere jare omano vaerä.”

2 SAMUEL 12:10

Jáeramo añave, ngaraai osɨrɨ neñemuña reta güi ñeraro, chereröɨro jare rereko Het iñemuña Urías jembirekogüe jeko pegua.

2 SAMUEL 13:27

Ërei Absalón jeta omoñera ramo, David omaeño ojo vaerä jupíe Amnón jare opaete ïru tɨvɨ reta.

2 SAMUEL 14:6

che nderembiokuai anoi tëi mókoi chemembɨraɨe reta, jare kó pe ñogüɨnoi yave oñoraro reta, jare mbaetɨ kia ombosɨrɨ vaerä oyougüi ramo, metei ombopere ïru jare oyuka.

1 REYES 20:16

Jare ñogüɨnoe reta kuaraɨ ara mbɨte ma yave. Ben-adad jare treinta y dos mburuvicha guasu reta okau jare osavaɨpo ñogüɨnoi ramboeve küaraɨa yai pegua oyapo reta iyeupe vae pe,

ESTER 1:10

Chiúa ara pe mburuvicha guasu osavaɨpo ma yave omondo Mehumán, Bizta, Harbona, Bigta, Abagta, Zetar jare Carcas, chiu eunuco reta oyeokuai mburuvicha guasu Asuero pe vae,

SALMOS 104:15

jókuae tembíu reta, omee vaerä mɨ̈rata chupe, vino, omboyerovia vaerä ipɨa, jare asaite pe jova jembipe kavi vaerä oyekuaa reta.

ÉXODO 1:18

Jayave mburuvicha guasu Egipto pegua omondo oenɨiuka kuae oporomboyekuaku vae reta, jare jei chupe reta: —¿Maera pa peyapo kuae, pemaeño oikove michia kuimbae reta?

ECLESIASTÉS 10:19

Yavɨakatu vaerä ko oyeapo arete, vino yau, yayerovia vaerä, ërei ñanoita korepoti jókuae reta peguarä.

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

NAHUM 1:10

Echa yepe tëi ñurati tëɨ yae vae rami, ërei kapii otini vae rami ko opaeteita ókai.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Hechos 5:29

Jayave Pedro jare ïru temimondo reta jei chupe reta: —Royapo tai ko Tumpa iporookuai, kuimbae reta iporookuai güi.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JUECES 19:22

Ërei ovɨakatu yae ma ñogüɨnoi yave, mbovɨ kuimbae jeko ikavimbae jókuae tëta pegua reta oimama o, jare omboɨpɨ okua reta öke re, jare jei reta jókuae ndechi o iya pe: —¡Enoe kuimbae ndembouparä renoi vae! ¡Orekɨ̈reɨ mbae royapo chupe!

JUECES 19:6

Jare mókoi reve oguapɨ okaru jare jou reta vino, jare kuña tu oiporu opɨta ye vaerä jókuae pɨ̈tu.

JUECES 19:9

Javoi levita opüa ma ojo vaerä jembireko jare jembiokuai ndive yave, jovaya omombeu chupe kaaruasɨ yae ma ko vae, jare oparea ye chupe jókuae pɨ̈tu opɨta vaerä oyerovia reve, jare ndeimboveasɨ oë vaerä ojo.

RUT 3:7

Jare Booz opa ma okaru jare oɨu yave, oyerovia katu reve ojo oyapakua oke mbaeatɨ iyɨpɨ pe. Jayave Rut kïrii ngatu ou oipea chugüi itɨma jare oyapakua joko pe.

1 SAMUEL 18:22

Jayave Saúl oyókuai jembiokuai reta jei: —Pemiari vɨari David pe jare pere chupe, mburuvicha guasu jare opaete jembiokuai reta nderaɨu, eiko mburuvicha guasu jovayarä.

1 SAMUEL 28:10

Jayave Saúl jei chupe: —YandeYa jee re tae ndeve, mbaetɨta maratu reiko kuae reyapota vae re.

1 SAMUEL 28:13

—¿Maera pa chembotavɨ? ¡Nde yepe jae Saúl! Ërei mburuvicha guasu jei chupe: —Agüɨye ekɨɨye. ¿Mbae pa reecha? —Aecha metei mbae iä oë ɨvɨ güi —jei jókuae kuña chupe.