2 SAMUEL 13:1 - Biblia Guarani Tumpa Iñee

¹ Tamar jae ko Absalón, David taɨ jeindɨ, jae ko maepöra yae, Amnón, David taɨ ichɨ tee vae iporopota jese,

2 SAMUEL 13:1 ပူးပေါင်းရင်းမြစ်များ

GÉNESIS 29:18

Jare Jacob iporopota omae Raquel re, jare jei: —Che tayeokuai ndeve chiu año Raquel nderayɨ taɨkuegua re.

GÉNESIS 29:20

Jökorai Jacob oyeokuai Raquel regua chiu año jare mbaetɨecha puku chupe ara reta, echa oaɨu yae.

GÉNESIS 34:3

Ërei ngatu, iporopota yae jese, oeka kërai güɨreko vaerä.

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

2 SAMUEL 11:2

Jare metei ara kaaru yave, David opüa jupa güi, jare oë oguata o iárambo ipe kavi vae rupi; jare joko güi oecha metei kuña ipöra yae vae oyau oï.

2 SAMUEL 13:15

Javoi jaɨkue rupi Amnón omotareɨ omae jese; oasa ete omotareɨ tenonde yave oaɨu tëi vae güi. Jei chupe: —¡Epüa jare ekua!

2 SAMUEL 13:2

jare Amnón oyemombaerásɨti jeindɨ Tamar re, echa Tamar ndei kuimbae ndive oasa vae ramo, yavai oyapo vaerä mbae chupe.

2 SAMUEL 14:27

Mboapɨ Absalón taɨ reta jare metei tayɨ, Tamar jee, maepöra yae.

1 REYES 11:1

Faraón tayɨ güi, mburuvicha guasu Salomón oaɨu vi jeta ïru kuña reta ketɨ ketɨgua: moabita reta, Amón-ɨgua reta, Edom-ɨgua reta, Sidón pegua reta jare Het iñemuña reta;

1 CRÓNICAS 3:2

mboapɨa jae Absalón, Maaca imembɨ, jae ko Talmai mburuvicha guasu Gesur pegua tayɨ; irundɨa jae Adonías, Haguit imembɨ;

1 CRÓNICAS 3:9

Opaete kuae reta jae David taɨ reta, oyepapambae reve kuña güɨrekoiño vae reta imembɨ. Jae reta jeindɨ ko Tamar.

PROVERBIOS 31:30

Ipöra vae, ipöra raangaiño ko, mbaeä etei ko; ërei kuña oipoɨu yandeYa güi vae, jókuae ko imboeteata.

PROVERBIOS 6:25

Agüɨye ipöra güiño eipota emae jese; ¡agüɨye tandembotavɨ jesa omopöra vae rupi!