2 SAMUEL 12:13 - Biblia Guarani Tumpa Iñee

¹³ Jayave David jei Natán pe: —Cheyoa ko yandeYa kotɨ. Jare Natán jei David pe: —YandeYa iñɨ̈ro ndeve ndeyoa re, mbaetɨta remano.

2 SAMUEL 12:13 ပူးပေါင်းရင်းမြစ်များ

GÉNESIS 39:9

Mbaetɨ ye kia tenondegua chegüi kuae o pe, jare cheya mbaetɨ mbae oyopia chegüi; jaeño ma nde, echa nde ko jae jembireko. ¿Këraita pa che ayapo kuae mbae ikavimbae yae vae, jare cheyoa Tumpa kotɨ?

2 SAMUEL 24:10

Ërei David opa güire oyapo kuae yepapa, ou jasɨ ipɨa pe kuae oyapogüe, jare oyemombeu Tumpa pe körai: —CheYa, cheyoa ko tuicha ayapo ramboeve kuae. Ërei romoñera añave neɨ̈ro vaerä cheve cheyoa re, echa ayapo ko iyarakuaambae rami.

2 SAMUEL 24:17

David oecha araɨgua oyuka tëta pegua reta oï yave, jei yandeYa pe: —¡Che ko cheyoa! ¡Che ko ayapo ikavimbae! ¿Mbae pa kuae jekombae reta oyapo? ¡Cheré jare chero pegua reta re eitɨ neporonupa!

1 REYES 13:4

Jeroboam oendu yave Tumpa iñeemombeúa jei ikäti kavi vae incienso oyeapɨ jese vae Bet-el pegua kotɨ yave, jókuae ikäti kavi vae incienso oyeapɨ jese vae güi omopüa ipo jei: “¡Peipɨɨ!” Ërei jókuae ipo opövee pɨpe vae oyepokuaa, täta opɨta chugüi, mbaetɨ ma ipuere omomɨi.

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

2 REYES 1:9

Jupivei omondo metei sundaro ruvicha, cincuenta sundaro ndive Elías kotɨ. Yogüɨraja oväe yave, Elías oguapɨ oï ɨvɨtɨ iyapɨte re. Jayave jókuae sundaro ruvicha jei chupe: —¡Tumpa iñeemombeúa, mburuvicha guasu jei regüeyɨ vaerä joko güi!

1 CRÓNICAS 21:8

Ërei David oyemombeu Tumpa pe jei: —CheYa, cheyoa ko tuicha ayapo ramboeve kuae, ërei añave romoñera neɨ̈ro vaerä cheve cheyoa re, echa ayapo ko yarakuaambae rami.

2 CRÓNICAS 16:10

Jayave Asa täta iyarasɨ mbae re oecha voi vae kotɨ jare oñonouka tembipɨɨrɨru pe. Oiporarauka vi amogüe tëta pegua reta pe.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

JOB 33:27

Jae omae opaete kuimbae re, jare nde rere: “Cheyoa, ayavɨ, ërei Tumpa mbaetɨ oiporarauka cheve,

SALMOS 103:12

Kuaraɨ oëa, matɨ yae oï kuaraɨ oikea vae güi rami matɨ omondo yandepɨapochɨ reta yandegüi.

SALMOS 51:16

Echa mbaetɨ reipota mɨmba oyeyukagüe, amee ndeve mbota mɨmba oyeyukagüe opaetei oyeapɨ vae yave, mbaetɨ reipota.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

SALMOS 51:6

Mase, nde reaɨu yae ko ipɨa jupi vae; jare reñono cheɨvɨte pe ndearakuaa katu.

ÉXODO 9:27

Jayave Faraón omondo oenɨiuka Moisés jare Aarón, jare jei chupe: —Añave cheyoa aipo, peYa jupi ko; che jare cherëtaɨgua reta oreyoa vae reta ko.

PROVERBIOS 25:12

Moäka-vera ani mboɨ oro yepeai vae rami ko, oyemboeta yave, yarakuaa vae iñeereendu katu vae pe.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

ISAÍAS 38:17

Chepɨagüive kavi aiko pe ou cheve mbɨatɨtɨ tuichagüe vae, ërei nde reyemoambeko cherenoe vaerä mano güi, echa neɨ̈ro cheve opaete cheyoa reta re.

ISAÍAS 43:24

Mbaetɨ ko pegua cheve mbae ikäti kavi vae reta, peru vaerä cheve mbotarä, mbaetɨ ave vi peru chembopɨakatu vaerä mɨmba ikɨragüe pe. Jaeño chembogüérai peyoa reta pe, chembokangɨ pereko kavimbae reta pe.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

LAMENTACIONES 3:32

Yepe tëi oiporarauka, ërei iporoparareko vi; echa iporoparareko tuicha yae ko.

LEVÍTICO 20:10

Metei kuimbae oiko yave aguasa rupi japicha jembireko ndive, jókuae menda re oyuvanga vae reta, tomano opa reve oñeärombae reve.

LEVÍTICO 24:17

Jaeramiño vi kia nunga vae oyuka yave japicha, jae tomano vi.

ZACARÍAS 3:4

Jare araɨgua oyókuai jóvai rupi ñogüɨnoi vae, jei reve: “Pemboi chugüi jókuae temimonde ikɨa vae.” Jare chupe jei: “Mase, ko aekɨ ndegüi ndeyoa, jare romboemimondeuka ikavi yae vae pe.”

San Mateo 14:10

Jayave oyókuai sundaro reta oñäka-sɨa vaerä Juan tembipɨɨrɨru pe.

San Lucas 15:21

Jayave taɨ jei tu pe: ‘Cheru, cheyoa ma Tumpa kotɨ jare ndekotɨ. Mbaetɨ ma jupi aiko vaerä nderaɨrä.’

San Lucas 18:13

Ërei jókuae mburuvicha peguarä okovara vae oyemboɨ oï mombɨrɨño, mbaetɨ ikɨ̈reɨ jovaɨva kërai yepe ara kotɨ. Jaeño okua okua ipɨtía re jei reve: ‘CheRu Tumpa, cheparareko. Echa che cheyoa vae ko.’

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

1 SAMUEL 15:20

Jare Saúl jei Samuel pe: —Aendu ko yandeYa iñee, jare aja ayapo cheokuai vae, jare aru Agag mburuvicha guasu Amalec pegua, jare opa amboai Amalec iñemuña reta.

1 SAMUEL 15:30

Jare jei: —Ayapo mbaeyoa. Ërei romoñera chemboete vaerä mburuvicha rami Israel iñemuña reta jóvai jare itenondegua reta jóvai, jare eyu che ndive amboete vaerä ndeYa Tumpa.