2 SAMUEL 11:15 - Biblia Guarani Tumpa Iñee

¹⁵ Jókuae tupapire oikuatía vae pe jei: “Eñono tenonde Urías, ñoraro jeiete yaea pe etei, javoi pesɨrɨ chugüi, ipere jare omano vaerä.”

2 SAMUEL 11:15 ပူးပေါင်းရင်းမြစ်များ

2 SAMUEL 11:16

Jökorai, Joab oñova yave tëta, oñono Urías jókuae kuimbae reta jae oikuaa jëia yae vae reta ñogüɨnoia pe etei.

2 SAMUEL 11:17

Jare tëta pegua reta ñogüɨnoe oñeraro vaerä Joab ndive ikatu pe yave, omano mbovɨ David isundaro reta güi; joko pe omano vi Het iñemuña Urías.

2 SAMUEL 12:9

¿Maera pa remboeteä cheñee, reyapo ikavimbae cheróvai? Reyukauka Het iñemuña Urías, Amón iñemuña reta pe jare rereko jembirekogüe.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

SALMOS 51:14

Chereepɨ oporoyuka vae reta güi, cheRu Tumpa, Tumpa chereepɨ vae; atairarita ndembaejupi.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

ECLESIASTÉS 8:11

Echa mbaetɨ oñejäa voi oiporara vaerä jókuae ikavimbae iyapoa ramo, kuimbae reta oyemongeta oyapo vaerä ikavimbaeño.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 20:13

¡Petairari yandeYa pe, pemboete yandeYa! Echa jae oepɨ oyererekoasɨ katu vae, jeko kavimbae reta ipo güi.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.

1 SAMUEL 18:21

Jare Saúl oyemongeta jei: “Tamee cherayɨ chupe, jae toitɨuka filisteo reta ipo pe.” Jayave jei ye David pe mokoía ma: —Añave reikota cherovayarä.

1 SAMUEL 18:25

Jayave Saúl jei: —Pere David pe, mburuvicha guasu mbaetɨ oipota tayɨ re mbae remee chupe; ërei oipota reru chupe cien mbae filisteo reta jete güi, oyepɨ vaerä jovaicho reta re.