2 SAMUEL 11:1 - Biblia Guarani Tumpa Iñee

¹ Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

Jare Amón iñemuña reta oecha Siriaɨgua reta otekuarai yave, jae reta opa vi otekuarai Abisai güi, opa yogüɨraja reta oñepɨ̈ro tëta guasu pe. Jayave Joab mbaetɨ ma oñeraro jae reta ndive, oyerova ye Jerusalén kotɨ.

1 REYES 20:22

Jaɨkue rupi ñeemombeúa ou mburuvicha guasu Israel pegua jóvai, jare jei chupe: —Ekua, eyeapokatu jare emoïru ndesundaro reta, jare eyemongeta kavi mbae reyapota vae re, echa kuae güi metei añoa pe mburuvicha guasu Siria pegua oporepeña yeta nderé.

1 REYES 20:26

Metei año jaɨkue rupi, Ben-adad omae jare oipapa kavi Siriaɨgua reta, jare ou Afec pe oñoraro vaerä Israel iñemuña reta ndive.

1 CRÓNICAS 20:1

Ërei jókuae año ou ye vae re, mburuvicha guasu reta iñoraro iara pe, Joab güɨraja sundaro reta jëia yae vae, jare opa oporomokañɨtei reta Amón iñemuña reta iɨvɨ pe, jare tëta Rabá opa oñova jare omboai. Ërei David opɨtaño Jerusalén pe.

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

SALMOS 60:9

¿Kia pa chererajata tëta guasu oñekëse kavi vae pe? ¿Kia pa chererajata Edom pe?

ECLESIASTÉS 3:8

Oime ara, yaporoaɨu vaerä, oime vi ara, ñaporomotareɨ vaerä. Oime ñeraro iara, jare oime vi mbɨakatu iara.

JEREMÍAS 49:2

YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

JEREMÍAS 49:3

¡Hesbón, eäpiro Hai, echa opa oyemboai! ¡Kuña reta Rabá pegua, peyaeo jasɨ katu reve! ¡Peyemonde temimonde mbɨatɨtɨ pegua pe! ¡Peñeäpiro, pembopere perete! Echa tumpa-raanga Milcom oyererajauka tembipɨɨ, isacerdote reta jare juvicha reta ndive.

EZEQUIEL 21:20

Eyapo metei tape jokoropi ou vaerä mburuvicha guasu ikɨsepuku ndive tëta guasu Rabá pe, Amón iñemuña reta jëta jare Jerusalén tëta guasu jëguambae Judá pegua pe.

AMÓS 1:14

Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

ZACARÍAS 14:3

Jaɨkue rupi yandeYa oëta jare oñerarota jókuae tëtaguasu reta ndive, ñeraro iara pe oñoraro rami.

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

1 SAMUEL 18:30

Mburuvicha filisteo reta ñogüɨnoe oñeraro ñavo, David oporomoamɨri avei Saúl isundaro ruvicha reta güi, jáeramo jërakua yae jare imboetea yae.