2 SAMUEL 1:14 - Biblia Guarani Tumpa Iñee

¹⁴ Jare David jei chupe: —¿Maera pa mbaetɨ reipoɨu reyuka yandeYa jembiparavo?

2 SAMUEL 1:14 ပူးပေါင်းရင်းမြစ်များ

SALMOS 105:15

jei körai: “Agüɨye pepoko cherembiparavo reta re, agüɨye mbae peyapo cheñeemombeúa reta pe.”

LAMENTACIONES 4:20

Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.

1 SAMUEL 24:11

Emae, mase, ko anoi chepo pe nderemimonde jembeɨgüe, che ayasɨa, jare mbaetɨ royuka, echa ayemongeta kavi ndekotɨ jare mbaetɨ vi romomburu ani cheyoa ndekotɨ. Ërei nde chepïaro reiko, reipota cheyuka.

1 SAMUEL 24:6

Jare jei jupiegua reta pe: —¡YandeYa tacheövatu agüɨye vaerä ayapo mbae ikavimbae vae cheya pe! Jae ko mburuvicha guasu, ¡yandeYa oiparavogüe ko!

1 SAMUEL 24:7

Jökorai David oyopia jupiegua kuimbae reta, mbaetɨ omaeño opüa Saúl re; jare Saúl oë ye ojo.

1 SAMUEL 26:11

YandeYa tacheövatu agüɨye vaerä ayuka jae oiparavogüe. Añave eraja imii jare iɨguarɨru, jare yaja.

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.

1 SAMUEL 31:4

Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.