2 SAMUEL 1:11 - Biblia Guarani Tumpa Iñee

¹¹ Jayave David jare jae ndive kuimbae reta ñogüɨnoi vae omondoro reta jemimonde ipɨatɨtɨ güi,

2 SAMUEL 1:11 ပူးပေါင်းရင်းမြစ်များ

GÉNESIS 37:29

Jaɨkue rupi Rubén ojo ye omae ɨvɨkua re, jare oecha José mbaetɨ ma oï pɨpe yave omondoro jemimonde ipɨatɨtɨ güi.

GÉNESIS 37:34

Jayave Jacob omondoro jemimonde, jare oyemonde temimonde mbɨatɨtɨ pegua pe, jökorai ipɨatɨtɨ oiko ɨma ara rupi taɨ re.

GÉNESIS 44:13

Jayave jae reta omondoro jemimonde, jare ombovoɨta reta imburika jare opa oyerova ye tëta guasu kotɨ.

2 SAMUEL 13:19

Jayave Tamar oipɨɨ tanimbu jare oñono iñäka re jare omondoro jemimonde jeta ipïra vae, jare ipo oñono reve iñäka re jäse oyaeo ojo oiko.

2 SAMUEL 13:31

Jayave David opüa jare omondoro jemimonde ipɨatɨtɨ güi jare oyapakua ɨvɨ pe, jare opaete imborɨa reta ñogüɨnoi jae ndive vae reta omondoro vi jemimonde;

2 SAMUEL 3:31

Jayave David jei Joab pe jare opaete jupiegua reta pe: “Pemondoro peremimonde jare peyemonde temimonde mbɨatɨtɨ pegua pe, Abner imano re.” Jare mburuvicha guasu David ojo oiko tëogüe jaɨkue.

2 REYES 5:7

Mburuvicha guasu Israel pegua omongeta güire jókuae tupapire, omondoro jemimonde ipɨatɨtɨ güi, jare jei: —¿Tumpa yera che, tekove oekɨ vae jare omee ye tekove vae, ombou vaerä kuae cheve, metei kuimbae ambogüera vaerä ipire mbaerasɨ ókui vae güi? ¡Peikuaa kavi añave, oeka kërai chemboeko vaerä jare oporepeña vaerä cheré!

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

ESDRAS 9:3

Aendu kuae yave, amondoro cheremimonde jare cheñeapevaka chepɨatɨtɨ güi, amondoro chea jare cherendɨvaa, jare aguapɨ chepɨatɨtɨ yae reve.

ESTER 4:1

Mardoqueo oikuaa kavi ma oyeapogüe yave, omondoro jemimonde reta, jare oyemonde temimonde mbɨatɨtɨ pegua pe, tanimbu oñono iñäka re jare oë tëta guasu rupi ipɨatɨtɨ yae jare oyaeo jäse reve.

JEREMÍAS 36:24

Mburuvicha guasu jare iyɨvɨrigua mburuvicha reta oendu yave, mbaetɨ etei okɨɨye reta, jare mbaetɨ kërai ave omboyekuaa reta ipɨatɨtɨ.

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

Hechos 14:14

Ërei temimondo reta kuae oikuaa yave, omondoro reta jemimonde, jare oike yatɨ vae reta ipɨte pe, jare iñeeäta reve jei chupe reta:

Romanos 12:15

Pevɨa katu, ovɨakatu vae reta ndive. Peyaeo, oyaeo vae reta ndive.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.