2 REYES 9:3 - Biblia Guarani Tumpa Iñee

³ Javoi eipɨɨ asaite jɨru jare epɨyere asaite iñäka re, jare ere chupe: “Körai jei yandeYa: Che roparavo mburuvicha guasurä, ɨvɨ Israel peguarä.” Javoi eipea öke jare etekuarai aramoete repɨtambae reve.

2 REYES 9:3 ပူးပေါင်းရင်းမြစ်များ

1 REYES 1:34

jare joko pe sacerdote Sadoc jare ñeemombeúa Natán opa güire oñono tee Israel iñemuña reta juvicha guasurä, pemoñee mimbɨguasu, pesapúkai jare peyepopete reve mburuvicha guasu Salomón re.

1 REYES 19:16

jare Jehú, Nimsi jɨmɨmino mburuvicha guasurä Israel pe; jare Eliseo, Safat taɨ tëta Abel-mehola pegua, eiparavo cheñeemombeuarä nderekovia pe.

2 REYES 8:13

Jare Hazael jei: —¿Kia pa che ayapo vaerä jókuae nunga? Eliseo jei chupe: —YandeYa oikuaauka cheve, nde reikota mburuvicha guasurä Siria pe vae.

2 REYES 9:6

Jare Jehú opüa jare oike o pe. Jayave ñeemombeúa opɨyere iñäka re asaite, jare jei chupe: —YandeYa Israel iTumpa jei: “Che roparavo mburuvicha guasurä, tëta Israel chembae vae peguarä.

2 CRÓNICAS 22:7

Ërei Tumpa etei oyapo jökorai omano vaerä Ocozías ojo ramboeve opou Joram pɨri. Ojo oväe rupive Joram ndive ñogüɨnoe Jehú pe, Nimsi jɨmɨmino pe. Ërei Tumpa yepe oiparavo Jehú opa vaerä omokañɨtei Acab iñemuña reta.

ÉXODO 29:7

Javoi eipɨɨ olivo iasaite ñeñono tee pegua, epɨyere iñäka re, jökorai eñono tee.

DANIEL 2:1

Nabucodonosor mokoía año ma oiko mburuvicha guasurä yave opaɨu, jókuae ombopɨa jopa jare ipuereä oke.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

LEVÍTICO 8:12

Jare opɨyere olivo iasaite yeparavo pegua Aarón iñäka re, jökorai oñeñono tee vaerä Tumpa isacerdoterä.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.

San Mateo 2:13

Jare jókuae kuimbae reta yasɨtata re oyemboe vae reta yogüɨraja ma yave, metei araɨgua yandeYa pe oyeokuai vae oyekuaa José pe ipaɨu pe jare jei chupe: “Epüa, jare eraja michia jare ichɨ Egipto kotɨ. Pepɨta joko pe amombeu ye ndeve regua. Echa Herodes oekata michia Oyuka vaerä.”

San Mateo 26:7

oike metei kuña güeru reve ɨruraɨ ita alabastro pegua pe tɨnɨe mbae ikäti kavi vae jepɨ yae vae. Jare jókuae kuña opɨyere mbae ikäti kavi vae Jesús iñäka re, oguapɨ oï ramboeve mesa pe.

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.

1 SAMUEL 15:1

Jaɨkue rupi Samuel jei Saúl pe: —YandeYa ko cheokuai roparavo yave mburuvicha guasurä, jëta imbae vae Israel iñemuña reta re; jáeramo añave, eïndaivi reendu vaerä yandeYa iñee amombeuta ndeve vae.

1 SAMUEL 15:17

Jare Samuel jei: —¿Yepe tëi michi yae viña remae ndeyé reveä pa, reiko Israel pegua ñemuña reta itenondeguarä? YandeYa ko ndeparavo mburuvicha guasurä Israel iñemuña reta re.

1 SAMUEL 16:2

Jare Samuel jei: —¿Këraita pa aja? ¡Saúl oikuaa yave, cheyukata ko! Jare yandeYa jei chupe: —Eraja guaka reta güi metei guaka taɨrusu vae, jare ere: “Ayu ko amee vaerä yandeYa pe mɨmba oyeyukagüe.”

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”