2 REYES 9:27 - Biblia Guarani Tumpa Iñee

²⁷ Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

2 REYES 9:27 ပူးပေါင်းရင်းမြစ်များ

1 REYES 21:2

Metei ara Acab jei Nabot pe: —Emee cheve ndeuvarupa cheko raɨrä, echa oï chero iyɨpɨ pe, kuae jekovia pe tamee ndeve uvarupa ikavigüe; ani reipota yave tamboepɨ ndeve jepɨ oï rupi.

1 REYES 4:12

Baana, Ahilud taɨ oï mburuvicharä Taanac, Meguido jare opaete Bet-seán, Saretán iyɨpɨ peño güɨnoi vae, Jezreel güi ɨ́vɨkotɨ, Bet-seán güive Abel-mehola kotɨ, Jocmeam kutɨ;

2 REYES 10:4

Ërei kuae reta okɨɨye yae, jei reta: “Jókuae mókoi mburuvicha guasu viña pa mbaeä etei chupe, ¿vɨtei pa yande?”

2 REYES 11:1

Atalía oikuaa omano imembɨraɨe Ocozías yave, ojo oyuka opaete mburuvicha iñemuña reta.

2 REYES 12:1

Jehú, chiúa año ma oiko mburuvicha guasurä yave, Joás omboɨpɨ oï mburuvicha guasurä; oiko mburuvicha guasurä cuarenta año Jerusalén pe. Ichɨ jee Sibia, jae ko Beerseba pegua.

2 REYES 12:21

Iyɨvɨrigua reta Josacar, Simeat taɨ jare Jozabad, Somer taɨ ko ombopere, jökorai omano. Oñotɨ reta iñemuñagüe reta oñeotɨa pe, David Jëta guasu pe; jare taɨ Amasías oguapɨ jekovia pe mburuvicha guasurä.

2 REYES 14:19

Jerusalén pegua reta oñemopüa Amasías kotɨ, jare jae otekuarai Laquis kotɨ; ërei oaɨkuemoña reta jókuae tëta guasu kotɨ, joko pe oyuka reta.

2 REYES 21:23

Jare Amón imborɨa reta oñemopüa ikotɨ, jare oyuka reta jo pe.

2 REYES 8:29

jare mburuvicha guasu Joram oyerova ye Jezreel kotɨ oñepoano vaerä iperegüe güi, Siriaɨgua reta ombopere Ramot jóvai oñeraro yave, Hazael mburuvicha guasu Siria pegua ndive. Jayave, Joram imbaerasɨ oï ramo, Ocozías ojo Jezreel pe omae vaerä jese.

PROVERBIOS 13:20

Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

NÚMEROS 16:26

Jare jae imiari yatɨ vae reta pe, jei reve: —Pesɨrɨ kuae kuimbae reta oyemboyovaicho Tumpa kotɨ vae reta jo guakapi pegua güi, jare agüɨye etei imbaembae re pepoko, agüɨye vaerä pe reta vi pemano jae reta imbaeyoa jeko pegua.

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

JOSUÉ 17:11

Manasés iñemuña reta güɨnoi vi tëta guasu reta; tëta guasu ñavo güɨnoi tëta raɨ raɨ, Isacar jare Aser iñemuña reta iɨvɨ pe jae ko: Bet-seán, Ibleam, Dor, Endor, Taanac jare Meguido, mboapɨ yemboyao ɨvɨ.

JUECES 1:27

Manasés iñemuña reta mbaetɨ ipuere opa omoë omombo tëta Bet-seán pegua reta, Taanac pegua reta, Dor pegua reta Ibleam pegua reta jare Meguido pegua reta; tëta raɨ reta jókuae tëta guasu reta iyɨ́vɨri rupigua ave mbaetɨ ipuere opa omoë reta omombo, jare cananeo reta jeiete yogüɨreko jókuae ɨvɨ pe.

JUECES 5:19

Jayave mburuvicha guasu reta yogüeru oñeraro, Taanac pe oñeraro mburuvicha guasu reta Canaán pegua, ɨupa Meguido pegua iyɨpɨ pe, ërei mbaetɨ opɨ̈ro reta korepoti yepe, ani mbaeyekou.