2 REYES 9:22 - Biblia Guarani Tumpa Iñee

²² Joram oecha yave Jehú, jei chupe: —¿Peyu pa mbɨakatu ndive? Jehú jei chupe: —¿Mbae nunga mbɨakatu pa oimeta, ndesɨ Jezabel itumpa-raanga jare mbaekuaa rupi oiko reve?

2 REYES 9:22 ပူးပေါင်းရင်းမြစ်များ

1 REYES 18:19

Emondo añave emboatɨuka opaete Israel pegua reta ɨvɨtɨ Carmelo re, jare cuatrociento cincuenta Baal regua omoërakua vae reta, jare cuatrociento Asera regua omoërakua vae reta, Jezabel ndive okaru vae reta.

1 REYES 18:4

Jae ko Jezabel omboɨpɨ oyuka Tumpa iñeemombeúa reta yave, oñomi chugüi cien; jare oyapo mókoi yemboyao cincuenta enta vae, jókuae reta oñomi mókoi ɨvɨkua pe, joko pe omee jembiurä jare iɨguarä.

1 REYES 21:25

(Mbaetɨ yé kia Acab rami vae, jembireko Jezabel jeigüe rupi ojo, oyapo ikavimbae vaeño yandeYa jesa róvai.

2 REYES 9:18

Jayave jókuae kuimbae kavayu regua ojo oövaiti Jehú, jare jei chupe: —Mburuvicha guasu ombou oparandu peve, peyu ra mbɨakatu ndive vae. Jehú jei chupe: —Jókuae jaeä ko ndeparavɨkɨ. ¡Yaja ye cherupíe! Jayave sundaro ɨvate güi omae oï vae omombeu, jei: —Jókuae ñee jerajaa ojo oväe chupe reta, ërei mbaetɨ oyekuaa oyerova ye vae.

2 CRÓNICAS 21:13

ërei remomoe mburuvicha guasu reta Israel pegua jeko, jare reyavɨuka Jerusalén pegua reta pe yandeYa kotɨ Acab iñemuña reta rami. Jaeramiño vi opa reyuka nderɨvɨ nderu iñemuña reta, jeko kavi tëi ndegüi vae reta.

ECLESIASTÉS 3:8

Oime ara, yaporoaɨu vaerä, oime vi ara, ñaporomotareɨ vaerä. Oime ñeraro iara, jare oime vi mbɨakatu iara.

NAHUM 3:4

Nínive iyaguasa pota yae jeko pegua, jókuae ipɨakavi jare ipöra yae vae, mbaekuaa re oporomboe vae, aguasa reta rupi jare mbaekuaa rupi ombotavɨ tëta pegua reta jare tëtaguasu pegua reta vae.

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Apocalipsis 18:3

Echa opaete tëtaguasu reta jou vino rami jókuae teko ikavimbae vae; jare mburuvicha guasu reta ɨvɨ pegua oyapo aguasa jae ndive, jare ɨvɨ pegua reta omaemee vae oyemboikokatu imbaepotarai re.”

1 SAMUEL 16:4

Jare Samuel oyapo yandeYa jei chupe rami, ojo oväe Belén pe yave, jókuae tëta guasu itenondegua reta oë oövaiti okɨɨye reve, jare jei reta: —¿Reyu pa mbɨakatu peguarä?