2 REYES 9:19 - Biblia Guarani Tumpa Iñee

¹⁹ Jayave mburuvicha guasu omondo ye ïru kuimbae kavayu regua; jare ojo oväe chupe reta yave jei: —Mburuvicha guasu ombou oparandu peve, peyu ra mbɨakatu ndive vae. Jehú jei chupe: —Jókuae jaeä ko ndeparavɨkɨ. ¡Yaja ye cherupíe!

2 REYES 9:19 ပူးပေါင်းရင်းမြစ်များ

2 REYES 9:11

Jaɨkue rupi Jehú oë ye juvicha imborɨa reta yatɨ ñogüɨnoia pe yave, jókuae reta oparandu chupe: —¿Maratu pa? ¿Maera pa ou omae nderé jókuae imbokere vae? Jehú jei: —Pe reta peikuaa ko jókuae kuimbae jare peikuaa vi iyemongeta.

2 REYES 9:17

Jare Jezreel pe maeka ɨvatea güi sundaro omae oï vae, oecha Jehú jare jupiegua reta yogüeru vae osapúkai, jei: —¡Joko yogüeru vae! Jayave Joram jei: —Pemondo jape pe metei kuimbae kavayu regua, oparandu vaerä chupe yogüeru ra mbɨakatu ndive vae.

2 REYES 9:18

Jayave jókuae kuimbae kavayu regua ojo oövaiti Jehú, jare jei chupe: —Mburuvicha guasu ombou oparandu peve, peyu ra mbɨakatu ndive vae. Jehú jei chupe: —Jókuae jaeä ko ndeparavɨkɨ. ¡Yaja ye cherupíe! Jayave sundaro ɨvate güi omae oï vae omombeu, jei: —Jókuae ñee jerajaa ojo oväe chupe reta, ërei mbaetɨ oyekuaa oyerova ye vae.

2 REYES 9:20

Sundaro ɨvate güi omae oï vae jekuae omombeu ye: —Jókuae ïru ojo vi oväe chupe reta, ërei mbaetɨ oyekuaa oyerova ye vae. Jare jókuae käretou omboguata vae jaeecha Jehú, Nimsi jɨmɨmino; echa omboguata metei imbokere vae rami, jae jeko rami.

ISAÍAS 48:22

Ërei iyoa vae reta peguarä mbaetɨ ko mbɨakatu. Jei yandeYa.