2 REYES 9:1 - Biblia Guarani Tumpa Iñee

¹ Jayave ñeemombeúa Eliseo oenɨi metei ñeemombeúa reta güi, jare jei chupe: —Eyupavo, jare eraja kuae asaite Ramot kotɨ, ɨvɨ Galaad pe.

2 REYES 9:1 ပူးပေါင်းရင်းမြစ်များ

1 REYES 1:39

Joko pe sacerdote Sadoc, oipɨɨ tupao guakapi pegua güi guakaräti asaite ndive jare opɨyere jese oñono tee Salomón mburuvicha guasurä. Jaɨkue rupi omoñee reta mimbɨguasu, jare opaete vae reta osapúkai jare oyepopete mburuvicha guasu Salomón re.

1 REYES 18:46

Jare yandeYa imbaepuere oï Elías re, jae oyeumbɨkua täta, jare osɨi Acab jenonde ojo regua oväe Jezreel pe jae räri.

1 REYES 19:16

jare Jehú, Nimsi jɨmɨmino mburuvicha guasurä Israel pe; jare Eliseo, Safat taɨ tëta Abel-mehola pegua, eiparavo cheñeemombeuarä nderekovia pe.

1 REYES 20:35

Ërei ngatu metei kuimbae ñeemombeúa reta güi oyókuai iñeïru, Tumpa jei chupegüe rupi: —¡Eyapo ikavi vae cheve, chembopere! Ërei jókuae iñeïru mbaetɨ oipota oyapo.

1 REYES 22:20

Jayave yandeYa oparandu, ¿kia pa ojota omokɨ̈reɨ Acab oporepeña vaerä Ramot re, ɨvɨ Galaad pe, omano vaerä joko pe? Jare opa oyoavɨ avɨ mbae jei reta.

1 REYES 22:4

Jayave mburuvicha guasu oparandu Josafat pe: —¿Nekɨ̈reɨ pa reo che ndive ñaporepeña vaerä tëta Ramot re ɨvɨ Galaad pe? Josafat jei: —Che, jare opaete chesundaro reta jare kavayu regua reta, roï nde ndive, jare nderupiegua reta ndive.

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

2 REYES 2:3

Ërei Bet-el pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe: —¿Reikuaa pa añave yandeYa oupita ndegüi ndemboea vae? Eliseo jei: —Jäa, aikuaa. ¡Pekïrii!

2 REYES 2:5

Ërei Jericó pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe: —¿Reikuaa pa añave yandeYa oupita ndegüi ndemboea vae? Eliseo jei: —Jäa, aikuaa. ¡Pekïrii!

2 REYES 2:7

Jayave yogüeru cincuenta ñeemombeúa reta, jare oyemboɨ reta mombɨrɨ jenonde kotɨ; Elías jare Eliseo oyemboɨ ɨ̈aka Jordán jembeɨ pe.

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

2 REYES 4:29

Jayave Eliseo jei Giezi pe: —Eyupavo, ko oï chepopoka jare ekua jokotɨ. Kia nunga vae nerövaiti yave, agüɨye maraetei eyapo chupe, kia nunga vae maraetei oyapo ndeve yave, agüɨye emboyevɨ chupe. Javoi chepopoka eñono kunumi raɨ jova re.

2 REYES 9:4

Jayave ojo jókuae ñeemombeúa taɨrusu vae Ramot kotɨ, ɨvɨ Galaad pe,

2 CRÓNICAS 22:1

Jerusalén pegua reta omboguapɨ Ocozías mburuvicha guasurä tu Joram jekovia pe, jae ko taɨ taɨkuegua ete, echa tovaicho reta yogüeru Arabiaɨgua reta ndive teyupa pe vae opa oyuka opaete Joram taɨ tenondegua reta. Jökorai Ocozías opɨta mburuvicharä Judá pe.

2 CRÓNICAS 22:5

Jare jae oiko jae reta iporomboarakuaa rupi. Ocozías oñemoïru Joram, Acab taɨ ndive, mburuvicha guasu Israel pegua, ojo jae ndive tëta Ramot Galaad pegua pe oñeraro vaerä Hazael mburuvicha guasu Siria pegua ndive. Joko pe Siriaɨgua reta ombopere Joram.

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

San Mateo 26:7

oike metei kuña güeru reve ɨruraɨ ita alabastro pegua pe tɨnɨe mbae ikäti kavi vae jepɨ yae vae. Jare jókuae kuña opɨyere mbae ikäti kavi vae Jesús iñäka re, oguapɨ oï ramboeve mesa pe.

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:3

Pe reta etei ko peecha yandeYa oyapogüe Baal-peor pe, jare peecha opaete omboete joko pe tumpa-raanga vae, yandeYa opa omboai pepɨte güi.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.