2 REYES 8:9 - Biblia Guarani Tumpa Iñee

⁹ Hazael ojo Tumpa iñeemombeúa pɨri, güɨraja chupe mbota Damasco pe mbae ikavigüe oime vae, ombovoɨta güɨraja cuarenta camello. Jare ojo oväe Tumpa iñeemombeúa oïa pe yave, jei chupe: —Nderaɨ Ben-adad, mburuvicha guasu Siria pegua chembou ndekotɨ, aparandu vaerä ndeve okuerata ra imbaerasɨ güi vae.

2 REYES 8:9 ပူးပေါင်းရင်းမြစ်များ

1 REYES 14:3

Jare eraja ndepo pe payandepo mbɨyape, jare torta, jare metei jɨru ei, jare ekua ikotɨ, omombeu vaerä ndeve maratuta ra kuae michia vae.

1 REYES 15:18

Jayave mburuvicha guasu Asa omboatɨ opaete oro, korepoti yandeYa jo pe mbaembae jepɨ vae oñeñovatúa pe oimeño vae, jare mburuvicha guasu imbaembae jepɨ vae oñeñovatúa pegua, opa omee jembiokuai reta pe, jare omondo Ben-adad pe mburuvicha guasu Siria pegua pe, jae ko Tabrimón taɨ, Hezión jɨmɨmino, jae oiko Damasco pe, omondo jei chupe:

1 REYES 19:15

Jayave yandeYa jei chupe: “Eyerova ekua jókuae ñuu reyúa rupi, ekua Damasco pe eiparavo Hazael mburuvicha guasurä Siria peguarä,

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 REYES 13:14

Eliseo imbaerasɨ jeiete yae, omanota ma, jare Joás, mburuvicha guasu Israel pegua ojo omae jese, oäpiro jare oiküava, jei reve: —¡Cheru! ¡Cheru! Nde reiko ɨvɨ Israel peguarä sundaro reta imbaepuere yae vae rami.

2 REYES 16:7

Jayave Acaz omondo jekovia pe kuimbae reta imiari vaerä Tiglat-pileser mburuvicha guasu Asiria pegua ndive, jei chupe körai: “Che ko metei nderembiokuai, metei nderaɨ rami ko, kuae jeko pegua eyu chereepɨ mburuvicha guasu Siria pegua güi, jare Israel pegua reta cheïraro ñogüɨnoi vae güi.”

2 REYES 5:13

Ërei ngatu jembiokuai reta oya ikotɨ jare omomiari reta körai: —Cheruvicha, ñeemombeúa ndeokuai yave mbae yavai yae vae re, ¿mbaetɨta pa reyapo? ¿Mbae mbatee pa jei yave ndeve: “Eyeyoe, jare rekuerata”?

2 REYES 5:5

Jare Siria pegua mburuvicha guasu jei chupe: —Ekua, che amondota tupapire mburuvicha guasu Israel pegua pe. Jare ojo. Güɨraja treinta mil reare korepoti pegua, seis mil reare oro pegua, jare payandepo yepoepɨ pegua temimonde,

2 REYES 6:21

Jare mburuvicha guasu Israel pegua oecha reta yave, oparandu Eliseo pe: —¿Ayuka retata pa, cheru?

ECLESIASTÉS 3:6

Oime ara, mbae yaeka vaerä, oime vi ara, ñanemaekañɨ vaerä. Oime ara, mbae ñañovatu vaerä, oime vi ara, mbae yamombo vaerä.

Filemón 1:14

Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.

1 SAMUEL 25:8

Eparandu nderembiokuai reta pe, jare jae reta omombeu kavita ndeve. Kuae jeko pegua romoñera reiparareko vaerä kuae kunumi reta amondo vae, emee oreve mbae renoigüe, echa che nderaɨ rami vi ko.”

1 SAMUEL 9:7

Saúl jei jembiokuai pe: —Yaja jayave. Ërei, ¿mbae pa yarajata jókuae kuimbae pe? Echa mbɨyape opa ma yandeaporoka pe, jare mbaetɨ mbae ñamee vaerä Tumpa iñeemombeúa pe.