2 REYES 8:7 - Biblia Guarani Tumpa Iñee

⁷ Javoi Eliseo ojo Damasco pe. Jókuae ara rupi Ben-adad mburuvicha guasu Siria pegua imbaerasɨ oï; jare omombeu reta chupe Tumpa iñeemombeúa ou oväe joko pe vae.

2 REYES 8:7 ပူးပေါင်းရင်းမြစ်များ

GÉNESIS 14:15

Jökorai Abram jare jembiokuai reta, iparanoe pɨ̈tu yave oë chupe reta, jare omboɨpɨ reta oñoraro. Mombɨrɨ tëta Hoba jee vae pe, Damasco güi ɨvɨtuguasu kotɨ oaɨkuemoña reta güɨraja oeya.

1 REYES 11:24

Jae omboatɨ amogüe kuimbae reta imonda vae jare jae oyeapo tenondeguarä, David oporoyuka yave Soba pe, Rezón ojo oike Damasco pe jare joko pe opɨta mburuvicha guasurä.

1 REYES 13:1

Jeroboam, oapɨta oï ikäti kavi vae incienso, ikäti kavi vae incienso oyeapɨ jese vae re yave, ou oväe Judá güi Bet-el pe metei Tumpa iñeemombeúa.

1 REYES 15:18

Jayave mburuvicha guasu Asa omboatɨ opaete oro, korepoti yandeYa jo pe mbaembae jepɨ vae oñeñovatúa pe oimeño vae, jare mburuvicha guasu imbaembae jepɨ vae oñeñovatúa pegua, opa omee jembiokuai reta pe, jare omondo Ben-adad pe mburuvicha guasu Siria pegua pe, jae ko Tabrimón taɨ, Hezión jɨmɨmino, jae oiko Damasco pe, omondo jei chupe:

1 REYES 20:1

Mburuvicha guasu Ben-adad, Siria pegua, omboatɨ opaete isundaro reta, jare treinta y dos mburuvicha guasu oñemoïru jae ndive vae reta, ikavayu re jare ikäretou ñeraro pegua reve reve, yogüɨraja opa oñova Samaria jare opüa jese.

1 REYES 20:34

javoi Ben-adad jei: —Cheru opɨ̈ro tëta guasu reta nderu güi vae che tamboyevɨ ye ndeve; javoi ndepuere remaemee jare rembaegua ndeyeupe Damasco pe, cheru oyapose Samaria pe rami. Jare Acab jei: —Che amaeñota reo ye. Körai, Acab oyapo morogüɨrökuavee päve Ben-adad ndive jare omaeño ojo ye.

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

2 REYES 5:20

Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

2 REYES 6:12

Jayave sundaro ruvicha reta güi metei jei: —Mbaetɨ cheruvicha guasu. Ñeemombeúa Eliseo ko oï Israel pe, jae ko omombeu mburuvicha guasu Israel pegua pe jókuae ñee reta rere ndero japɨpe pe vae.

2 REYES 6:24

Metei ara Ben-adad, mburuvicha guasu Siria pegua omboatɨ opaete isundaro reta jare ojo oñova tëta Samaria, oñeraro vaerä joko pegua reta ndive.

2 REYES 8:6

Mburuvicha guasu oparandu chupe; jare jókuae kuña imiari chupe opaete jae ndive oasagüe. Jayave mburuvicha guasu oyókuai metei imborɨa sundaro ruvicha; jei chupe: “Emeeuka ye chupe opaete jae imbaembaegüe, jare toyemboekovia chupe opaete iɨvɨ pe oñemuñagüe, jókuae ara oeya güire añave regua.”

ISAÍAS 7:8

Tëta Damasco, jae ko kuae tëta guasu güi mburuvicha reta oporookuai vae, tëtaguasu Siria re. Jare mburuvicha guasu Rezín ko oï tëta guasu Damasco pe. Ërei sesenta y cinco año pe tëtaguasu Efraín mbaetɨta ma oiko.

JEREMÍAS 40:5

Nekɨ̈reɨ repɨtaño yave, ekua ye Gedalías, Ahicam taɨ, Safán jɨmɨmino pɨri, mburuvicha guasu Babilonia pegua oñono tëta reta Judá pegua juvicharä oeya vae pɨri, eiko jae ndive jare nerëta pegua reta ndive. Ekua, jaekavita ndevea pe.” Javoi sundaro omaeäro vae reta juvicha omee Jeremías pe mbota jare jembiurä, javoi omboyupavo.

Hechos 17:6

Ërei mbaetɨ oväe reta ramo oipɨɨ reta Jasón jare amogüe oporogüɨrovia vae reta güɨraja mburuvicha tëta guasu pegua reta pe, jare iñeeäta reve jei reta: —Kuae kuimbae reta güɨrokomegua opaete ɨvɨ pegua reta iyemongeta vae yogüeru vi kuae pe.

DEUTERONOMIO 33:1

Moisés, kuimbae Tumpa jembiokuai ndei omano mbove, jei kuae ñee kavi Israel iñemuña reta kotɨ

JUECES 16:2

Gaza pegua reta oikuaa Sansón oime ko oï jókuae tëta pe yave, oimama reta jare oäro reta öke opaete jókuae pɨ̈tu, oyemongeta reta oyuka vaerä köe ma yave.