2 REYES 8:6 - Biblia Guarani Tumpa Iñee

⁶ Mburuvicha guasu oparandu chupe; jare jókuae kuña imiari chupe opaete jae ndive oasagüe. Jayave mburuvicha guasu oyókuai metei imborɨa sundaro ruvicha; jei chupe: “Emeeuka ye chupe opaete jae imbaembaegüe, jare toyemboekovia chupe opaete iɨvɨ pe oñemuñagüe, jókuae ara oeya güire añave regua.”

2 REYES 8:6 ပူးပေါင်းရင်းမြစ်များ

GÉNESIS 37:36

Jare Madián pegua reta güɨraja omee José Egipto pe, mburuvicha Potifar pe, Faraón isundaro reta juvicha.

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

2 REYES 8:5

Giezi imiari oï mburuvicha guasu pe, Eliseo omoingove ye omanogüe vae re ramboeve, jókuae kuña imembɨ omoingove chupe vae ou oväe omoñera vaerä mburuvicha guasu, jo re jare iɨvɨ re. Jayave Giezi jei: —Kuae kuña ko jae, jare kuae kunumi jae Eliseo omoingove ye vae.

2 REYES 8:7

Javoi Eliseo ojo Damasco pe. Jókuae ara rupi Ben-adad mburuvicha guasu Siria pegua imbaerasɨ oï; jare omombeu reta chupe Tumpa iñeemombeúa ou oväe joko pe vae.

2 REYES 9:32

Jehú omae ventana kotɨ, jare jei: —¿Kia pa oï che ndive? Mókoi ani mboapɨ kuimbae eunuco itindɨ omae ikotɨ,

1 CRÓNICAS 28:1

David omboatɨ Jerusalén pe opaete Israel iñemuña reta juvicha reta; ñemuña ñavo vae reta itenondegua, sundaro reta oyemboyao yao vae juvicha reta, jeta vae reta juvicha reta, mburuvicha guasu jare taɨ reta imbaeyekou re oyangareko vae reta juvicha reta, jare opaete sundaro ruvicha reta jare opaete isundaro reta jëia yae vae.

PROVERBIOS 16:7

Kuimbae, jeko kavi rupi omboyerovia yandeYa yave, jovaicho reta ave jae ombopɨakatuta chupe.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

DEUTERONOMIO 22:2

Ërei mɨmba peväegüe iya perëta-ɨpɨ peguaä ko yave ani peikuaambae ko yave, peraja perëta pe jare penoi joko pe iya oeka regua, javoi pemee ye chupe.

JUECES 11:13

Jare Amón iñemuña reta juvicha guasu jei ñee jerajaa reta pe: “Pe, Israel iñemuña reta Egipto güi peë yave, pepɨ̈ro oregüi oreɨvɨ, ɨ̈aka Arnón güive ɨ̈aka Jaboc pe jare Jordán. Jáeramo añave pemee ye cheve ikavi rupi.”