2 REYES 8:5 - Biblia Guarani Tumpa Iñee

⁵ Giezi imiari oï mburuvicha guasu pe, Eliseo omoingove ye omanogüe vae re ramboeve, jókuae kuña imembɨ omoingove chupe vae ou oväe omoñera vaerä mburuvicha guasu, jo re jare iɨvɨ re. Jayave Giezi jei: —Kuae kuña ko jae, jare kuae kunumi jae Eliseo omoingove ye vae.

2 REYES 8:5 ပူးပေါင်းရင်းမြစ်များ

1 REYES 20:1

Mburuvicha guasu Ben-adad, Siria pegua, omboatɨ opaete isundaro reta, jare treinta y dos mburuvicha guasu oñemoïru jae ndive vae reta, ikavayu re jare ikäretou ñeraro pegua reve reve, yogüɨraja opa oñova Samaria jare opüa jese.

2 REYES 4:12

Jayave jei jembiokuai Giezi pe: —Eenɨi jókuae kuña o iya. Jókuae tembiokuai oenɨi, jare jókuae kuña ou Eliseo oïa pe yave,

2 REYES 4:35

Jayave Eliseo opüa oguata guata jókuae o rupi, javoi oyeupi ye tupa pe jare oyapakua ye kunumi raɨ iárambo. Güɨramoiño kunumi raɨ iñächio chiu ye jare omae.

2 REYES 6:12

Jayave sundaro ruvicha reta güi metei jei: —Mbaetɨ cheruvicha guasu. Ñeemombeúa Eliseo ko oï Israel pe, jae ko omombeu mburuvicha guasu Israel pegua pe jókuae ñee reta rere ndero japɨpe pe vae.

2 REYES 6:26

Metei ara mburuvicha guasu Israel pegua oasa tëta guasu ikësea iárambo rupi yave, metei kuña osapúkai chupe: —¡Cheruvicha guasu, chemborɨ!

2 REYES 8:6

Mburuvicha guasu oparandu chupe; jare jókuae kuña imiari chupe opaete jae ndive oasagüe. Jayave mburuvicha guasu oyókuai metei imborɨa sundaro ruvicha; jei chupe: “Emeeuka ye chupe opaete jae imbaembaegüe, jare toyemboekovia chupe opaete iɨvɨ pe oñemuñagüe, jókuae ara oeya güire añave regua.”

ESTER 5:14

Jayave jembireko Zeres jare opaete ivɨa-ïru reta jei chupe: —Eyatɨkauka ɨvɨra veintidó metro ɨvate vae, jare pɨareve eiporu mburuvicha guasu pe, Mardoqueo toyeeterasa jese, jökorai ndepɨakatuta reo rekaru mburuvicha guasu ndive. Amán pe ipöra jókuae yemongeta jare oyapouka jei reta chupe rami.

SALMOS 145:1

Torombotuicha cheTumpa, cheruvicha guasu, amboeteta nderee jekuae avei rupi.

PROVERBIOS 16:9

Kuimbae oyemongeta mbae oyapo vaerä, ërei yandeYa ko jei, kërai oiko vaerä.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

RUT 2:3

Jayave ojo, jare ojo ma oväe yave omboɨpɨ oyevɨka ombaepoo vae reta jaɨkue; jare jókuae kó iya yepe jae Booz, Elimelec amɨri jëtara.

1 SAMUEL 26:17

Saúl oikuaa David iñee jare jei: —¿Jaeä pa jókuae neñee cheraɨ David? Jare David jei: —Che ko cheruvicha guasu.