2 REYES 8:4 - Biblia Guarani Tumpa Iñee

⁴ Jare mburuvicha guasu imiari oï Giezi, Eliseo Tumpa iñeemombeúa jembiokuai ndive, jei chupe: “Romoñera nemiari vaerä cheve opaete mɨakañɨ reta Eliseo oyapogüe re.”

2 REYES 8:4 ပူးပေါင်းရင်းမြစ်များ

2 REYES 2:14

Jare oipɨɨ jókuae temimonde iarambogua oiporu ɨ re, jare jei: “¿Ketɨ pa aipo reï cheYa, Elías iTumpa?” Jökorai oiporu jese rupive, ɨ oyemboyao oyougüi, jare Eliseo oasa jokoropi.

2 REYES 2:24

Eliseo oyerova omae jókuae kunumi reta re, jare oyepopeyu jese reta yandeYa jee re. Jökorai rupive oë mboapɨ oso kaa güi, jare opa oyuka cuarenta y dos jókuae kunumi reta güi.

2 REYES 4:12

Jayave jei jembiokuai Giezi pe: —Eenɨi jókuae kuña o iya. Jókuae tembiokuai oenɨi, jare jókuae kuña ou Eliseo oïa pe yave,

2 REYES 4:25

Jayave jókuae kuña ojo; ojo oväe ɨvɨtɨ Carmelo pe, Tumpa iñeemombeúa oïa pe. Jare Tumpa iñeemombeúa oecha yave mombɨrɨ güi, jei jembiokuai Giezi pe: —Mase, ko ou kuña Sunem pegua.

2 REYES 5:14

Jayave jae ogüeyɨ ɨ̈aka Jordán kotɨ, jare osakambɨ chiu ye ɨ̈aka Jordán pe, Tumpa iñeemombeúa jei chupe rami etei; jare isoo opɨta michia raɨ isoo rami, okuera opɨta.

2 REYES 6:32

Eliseo oguapɨ oï jo pe tenondegua reta ndive. Jare mburuvicha guasu omondo Eliseo kotɨ metei kuimbae. Ërei ndei jókuae mburuvicha guasu omondo vae oväe mbove, Eliseo jei tenondegua reta pe: —Pemae kuae oporoyuka vae ombou oyasɨauka cheäka. Ërei peyeapɨsaka peï, jókuae mburuvicha guasu ombou vae ou oväe yave peyokenda öke, agüɨye pemaeño toike, echa oime juvicha ou jaɨkue.

2 REYES 6:6

Tumpa iñeemombeúa oparandu chupe: —¿Ketɨ pa oa? Jae omombeu chupe ketɨ ko oa vae. Jayave Eliseo oyasɨa metei ɨvɨra jare oitɨ joko pe, jare yɨɨ ombovevɨi ɨ iárambo.

2 REYES 7:1

Jayave Eliseo jei: —Eyeapɨsaka yandeYa iñee re. Körai jei yandeYa: “Pɨareve koyave Samaria jöke pe oñemeeta trigokúi, chiu kilo vae jepɨta metei reare korepoti pegua jare quince kilo cebada vae jepɨta metei reare korepoti pegua.”

2 REYES 7:10

Jayave yogüeru, jare osapúkai reta sundaro reta tëta guasu jöke järoa pe, jei reta: —Rojo Siriaɨgua reta jeyupa pe, jare mbaetɨ etei kia joko pe oï vae, mbaetɨ etei ñee ave oyeendu joko pe. Jaeño ete ñogüɨnoi kavayu reta, mburika reta oñeapɨti oï jare küaraɨa guakapi pegua reta, jae reta omopüa ramiño ñogüɨnoi.

2 REYES 7:3

Jókuae tëta guasu jöke pe ñogüɨnoi irundɨ kuimbae ipire mbaerasɨ ókui vae, kuae reta jei oyoupe: —¿Maera pa kuae pe yaguapɨ ñaäro ñaï mano?

2 REYES 8:3

Jare chiu año oasa ma yave, jókuae kuña oyerova ye filisteo reta iɨvɨ güi; javoi ojo mburuvicha guasu pɨri, omoñera vaerä jo re jare iɨvɨ re, oñemee ye vaerä chupe.

San Mateo 2:8

Jayave Herodes jei chupe reta: —Pekua Belén pe peeka kavi jókuae michia. Jare peväe ma chupe yave, peyu ye kuae pe pemombeu cheve, che vi aja vaerä amboete.

San Lucas 23:8

Jare Herodes oecha Jesús yave, oyerovia yae, echa ɨma ma ikɨ̈reɨ oecha. Echa oendu ma jeta Jesús regua, jare oipota oecha Jesús oyapo metei mɨakañɨ.

San Lucas 9:9

Ërei Herodes jei: —Añäka-sɨauka ma ko Juan. Ërei ¿kia ra jókuae? Echa aendu ma jeta jesegua. Jare jae oipota oecha Jesús.

San Juan 9:27

Kuimbae jei: —Amombeu ma ko peve, ërei peipotaä peyeapɨsaka cheré. ¿Maera pa peipota peendu ye? ¿Peipota vi pa pe reta peyeapo jemimboe retarä?

Hechos 24:24

Mbovɨ ara pe Félix ou jembireko Drusila ndive. Drusila ko jae metei judía. Jayave Félix oenɨi Pablo, jare oyeapɨsaka mborogüɨrovia oï Jesucristo re vae re.