2 REYES 8:24 - Biblia Guarani Tumpa Iñee

²⁴ Joram omano; oñotɨ reta iñemuñagüe David Jëta guasu pe. Taɨ Ocozías oguapɨ jekovia pe mburuvicha guasurä.

2 REYES 8:24 ပူးပေါင်းရင်းမြစ်များ

1 REYES 11:43

Jare omano Salomón, jare oñotɨ reta tu David Jëta guasu pe; jare taɨ Roboam oguapɨ jekovia pe mburuvicha guasurä.

1 REYES 14:20

Veintidó año oiko Jeroboam mburuvicha guasurä; jare omano yave taɨ Nadab oguapɨ jekovia pe mburuvicha guasurä.

1 REYES 14:31

Jare Roboam omano jare oñotɨ reta iñemuñagüe reta jɨvɨa oïa pe, David Jëta guasu pe. Ichɨ jee Naama, Amón iñemuña pegua. Jare taɨ Abiam oguapɨ jekovia pe mburuvicha guasurä.

1 REYES 2:10

David omano, jare oñotɨ reta iñemuñagüe reta oñeotɨa pe, jëta guasu pe.

2 REYES 10:13

joko pe oväe chupe Ocozías, mburuvicha guasu Judá pegua jëtaragüe reta. Jehú oparandu chupe reta: —¿Kia pa pe reta? Jae reta jei: —Ocozías jëtaragüe reta ko ore, royu ko romae mburuvicha guasu taɨ reta re jare jembireko imembɨ reta re.

2 REYES 14:20

Javoi güeru reta metei kavayu re jare oñotɨ reta Jerusalén pe iñemuñagüe reta oñeotɨa pe, David Jëta guasu pe.

2 REYES 15:38

Jotam omano yave oñotɨ reta iñemuñagüe reta oñeotɨa pe, iñemuñagüe David Jëta guasu pe; taɨ Acaz oguapɨ jekovia pe mburuvicha guasurä

2 REYES 16:20

Mburuvicha guasu Acaz omano yave, oñotɨ reta iñemuñagüe reta oñeotɨa pe, David Jëta guasu pe; taɨ Ezequías oguapɨ jekovia pe mburuvicha guasurä

2 REYES 8:23

Opaete Joram oyapogüe, oyekuatía oï tembikuatía pe, Judá pegua mburuvicha guasu reta regua oyekuatía oïa pe.

2 REYES 9:28

Jare jembiokuai reta güɨraja Jerusalén pe metei käretou pe, jare oñotɨ reta iñemuñagüe David Jëta guasu pe.

1 CRÓNICAS 3:11

Josafat taɨ jae Joram, Joram taɨ jae Ocozías, Ocozías taɨ jae Joás,

2 CRÓNICAS 21:1

Josafat omano yave oñotɨ iñemuñagüe David Jëta guasu pe, jare taɨ Joram oguapɨ jekovia pe mburuvicha guasurä.

2 CRÓNICAS 21:17

Oporepeña reta Judá re jare opɨ̈ro iɨvɨ, jare güɨraja opaete mburuvicha guasu imbaembae reta jo iporookuaía pegua, taɨ reta jare jembireko reta. Jaeñoete opɨta taɨ taɨkuegua ete Joacaz.

2 CRÓNICAS 21:20

Treinta y dos año güɨnoi yave omboɨpɨ oiko mburuvicharä, jare juri año oiko mburuvicharä Jerusalén pe. Omano yave mbaetɨ kia oäpiro. Jare oñotɨ reta David Jëta guasu pe, ërei mbaetɨ mburuvicha guasu reta jɨvɨa renda pe.

2 CRÓNICAS 21:7

Ërei yandeYa mbaetɨ oipota opa omboai David iñemuña reta, echa oyapo morogüɨrökuavee päve David ndive jare iñemuña reta ndive yogüɨreko avei vaerä tembipe rami.

2 CRÓNICAS 22:1

Jerusalén pegua reta omboguapɨ Ocozías mburuvicha guasurä tu Joram jekovia pe, jae ko taɨ taɨkuegua ete, echa tovaicho reta yogüeru Arabiaɨgua reta ndive teyupa pe vae opa oyuka opaete Joram taɨ tenondegua reta. Jökorai Ocozías opɨta mburuvicharä Judá pe.

2 CRÓNICAS 22:6

Jare ou Jezreel pe oñepoano vaerä ipere güi, echa jae oyembopereuka oñoraro yave Hazael mburuvicha guasu Siria pegua ndive. Jayave Ocozías mburuvicha guasu Judá pegua ojo opou Joram, Acab taɨ pɨri Jezreel pe, echa joko pe imbaerasɨ oï.

2 CRÓNICAS 25:23

Joás mburuvicha guasu Israel pegua oipɨɨ tembipɨɨrä Bet-semes pe mburuvicha guasu Judá pegua, jae ko Amasías, Joás taɨ, Joacaz jɨmɨmino, javoi güɨraja Jerusalén pe; jare ombosururu ciento ochenta metro Jerusalén ikësea, öke Efraín jee vae güive öke Ekina jee vae pe oväe regua.