2 REYES 8:20 - Biblia Guarani Tumpa Iñee

²⁰ Joram oiko mburuvicha guasurä yave, Edom pegua reta oñemopüa Judá imbaepuere pe yogüɨreko vae re jare oñono reta iyeupe juvicha guasurä.

2 REYES 8:20 ပူးပေါင်းရင်းမြစ်များ

GÉNESIS 27:40

Reñeraroagüe reyereroasayepeta reiko, nderɨvɨ pe reyeokuaita, jare ndembaepuere yae ma yave reyeyorata yeokuaiasɨ katu güi.”

2 SAMUEL 8:14

Jare David oñono isundaro reta opaete ɨvɨ Edom pe; jare Edom iñemuña reta opa opɨta David jembiokuairä. YandeYa omee David pe, oporomoamɨri vaerä oipota rupi ojoa rupi.

1 REYES 22:47

(Jókuae ara rupi Edom pe mbaetɨ mburuvicha guasu, jaeño oime tëta itenondegua.)

1 REYES 22:48

Josafat oyapouka metei barco Tarsis pegua rami, ojo vaerä güeru oro Ofir güi; ërei mbaetɨ ojo echa opa oyeka Ezión-geber pe.

2 REYES 14:7

Amasías jae ko oyuka diez mil Edom iñemuña reta ɨvɨtɨ päu ipe kavi Yukɨ jee vae pe, jare opɨ̈ro tëta Sela, javoi ombojee Jocteel; jökorai jee añave rupi.

2 REYES 3:26

Mburuvicha guasu Moab pegua oikuaa ñamɨri ma ñeraro pe yave, oiporu iyeupe seteciento kuimbae oikatu kɨsepuku pe oñeraro vae, oasa reta vaerä mburuvicha guasu Edom pegua kotɨ. Ërei mbaetɨ ipuere reta.

2 REYES 3:27

Jayave oipɨɨ taɨrɨpɨ, jae jekoviarä opɨtata tëi mburuvicha guasurä vae, jare oyuka omee mɨmba oyeyukagüe opaetei oyeapɨ vae oñemee rami, tëta guasu ikësea iárambo. Kuae mbaetɨ etei ikavi Israel iñemuña reta pe, jare osɨrɨ reta joko güi, opa ye oyerova iɨvɨ kotɨ.

2 REYES 3:9

Jayave yogüɨraja mburuvicha guasu Israel pegua, Judá pegua, Edom pegua. Ërei chiu ara oyere reta ñuu rupi jeko pegua oata ɨ chupe reta, jare jɨmba reta pe.

2 REYES 8:22

Jökorai Edom oyeyora Judá imbaepuere güi añave rupi. Jökorai oyeyora vi tëta guasu Libna jókuae ara rupi.