2 REYES 8:12 - Biblia Guarani Tumpa Iñee

¹² jare Hazael oparandu chupe: —¿Maera pa reyaeo, cheya? Tumpa iñeemombeúa jei chupe: —Che aikuaa ikavimbae reyapota Israel iñemuña reta pe vae; reapɨta jëta guasu reta oñekëse kavi ñogüɨnoi vae, taɨrusu vae reta reyukata kɨsepuku pe, imichia reta rerokuaukata ɨvɨ re, jare reipekata kuña ipurúa vae reta jɨe.

2 REYES 8:12 ပူးပေါင်းရင်းမြစ်များ

1 REYES 18:13

¿Omombeuä yera kia ndeve ayapogüe, Jezabel oyuka yave Tumpa iñeemombeúa reta kërai añomi areko ɨvɨkua rupi vae? Echa cien ko añomi, ayapo mókoi yemboyao cincuenta enta vae, jókuae reta añomi mókoi ɨvɨkua pe, jare joko pe amee jembiurä jare iɨguarä.

1 REYES 19:17

Jökorai Hazael güi ojoyepegüe Jehú oyukata, jare Jehú güi ojoyepegüe Eliseo oyukata.

2 REYES 12:17

Jókuae ara rupi Hazael mburuvicha guasu Siria pegua ou oñeraro tëta Gat pegua reta ndive, jare omoamɨri, jaɨkue rupi oasa Jerusalén kotɨ.

2 REYES 12:18

Jáeramo Joás, mburuvicha guasu Judá pegua oipɨɨ opaete mbota reta; iñemuñagüe Josafat, Joram jare Ocozías, Judá pegua mburuvicha guasugüe reta oñono tee Tumpa pe vae, jare jae oñono teegüe, jare opaete oro yandeYa jo pe jare mburuvicha guasu jo pe mbaembae jepɨ vae oñeñovatúa pegua, jare omondo Hazael, mburuvicha guasu Siria pegua pe; javoi Hazael ojo ye Jerusalén güi.

2 REYES 13:22

Hazael, mburuvicha guasu Siria pegua, oiporarauka Israel pegua reta pe, opaete ara Joacaz oiko ramboeve mburuvicha guasurä.

2 REYES 13:3

Jare yandeYa iyarasɨ Israel kotɨ, omee Hazael mburuvicha guasu Siria pegua ipo pe jare Ben-adad, Hazael taɨ ipo pe ɨma año rupi.

2 REYES 13:7

Echa jókuae kuimbae oporoepɨ vae ndei ou mbove, mburuvicha guasu Joacaz pe mbaetɨ ma jeta jembɨre sundaro, jaeño ma jembɨre chupe cincuenta kuimbae kavayu regua reta, payandepo käretou ñeraro pegua, jare diez mil kuimbae ɨvɨ rupigua, echa mburuvicha guasu Siria pegua opa oyuka, jare opa oeya ɨvɨkúi rami.

2 REYES 15:16

Jayave Manahem omboai tëta Tifsa, jare opaete joko pe yogüɨreko vae, jare vi opaete iyɨvɨrigua reta Tirsa güive opa omboai, echa mbaetɨ oipea reta chupe tëta guasu reta jöke reta. Jare oipeka opaete kuña reta ipurúa vae jɨe.

2 REYES 4:28

Jayave jókuae kuña jei chupe: —Cheya, ¿aiporu pa ndeve oime vaerä chemembɨ? ¿Agüɨye eyuvanga katu cheré jaeä pa ndeve?

ISAÍAS 13:16

Jovake reta etei imichia reta oyererokuaukata ɨvɨ re; jo güi opata oñerenoe mbaembae, jare jembireko ñavo re oyuvangata chugüi reta vae.

ISAÍAS 13:18

Juvɨ pe oñɨvo retata michia reta, oa ramo vae reta re ngaraa ipïri reta, jaeramiño vi kunumi reta re.

OSEAS 10:14

pemoäsembaita ñeraro, jare opaete pekësea jëguambae oyemboaita, mburuvicha guasu Salmán omboai Bet-arbel ñeraro iara pe rami, michia reta ichɨ ndive oyakambɨ rami.

OSEAS 13:16

Samaria oiporarata jeko re, echa oyembopɨapochɨ iTumpa kotɨ. Omano retata ñeraro pe, imichia reta oyererokuaukata ɨvɨ re, ikuña reta ipurúa ñogüɨnoi vae oipekata jɨe chugüi.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

AMÓS 1:13

YandeYa jei körai: “Amón iñemuña reta iyoa yae jeko pegua, mbaetɨta cheɨ̈ro chupe reta; echa oipota reta iɨvɨ ombotuicha jeko pegua, opa oipeka kuña Galaad pegua ipurúa vae reta jɨe.

NAHUM 3:10

Ërei ngatu Tebas, oyererajauka tembipɨɨrä, imichia reta opa vi oyererokuauka kaye ekina rupi, mburuvicha guasu iyɨvɨrigua reta re oyeapo suerte, jare imborɨa reta opa oyepokua.