2 REYES 7:6 - Biblia Guarani Tumpa Iñee

⁶ Echa yandeYa yepe oyapo Siriaɨgua reta jeyupa pe oyeendu vaerä käretou reta oguata vaeecha, oyeendu kavayu regua reta yogüeru vaeecha, jare jeta sundaro reta yogüeru vaecha oyeendu; jare Siriaɨgua reta oyemongeta mburuvicha guasu Israel pegua omboepɨ Het iñemuña reta juvicha guasu pe, jare Egiptoɨgua reta juvicha guasu pe oporepeña vaerä jese reta.

2 REYES 7:6 ပူးပေါင်းရင်းမြစ်များ

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

2 SAMUEL 5:24

Reendu ɨvɨra reta jäka rupi jɨapu vae yave, eë chupe reta, echa che ajata nderenonde amoamɨri vaerä sundaro filisteo reta.

1 REYES 10:29

Metei käretou oyereru Egipto güi vae jepɨ seisciento reare korepoti pegua, jare metei kavayu jepɨ ciento cincuenta. Jare opaete Het iñemuña reta juvicha reta jare Siriaɨgua reta ombaegua Salomón jembiokuai reta güi.

1 REYES 20:20

Jare metei ñavo oyuka tovaicho oporepeña jese yave, otekuarai Siriaɨgua reta. Israel iñemuña reta oaɨkuemoña, ërei Ben-adad, Siriaɨgua reta juvicha guasu otekuarai kavayu re, amogüe sundaro kavayu regua reta ndive.

2 REYES 19:7

Mase, che amondota aenduka chupe mbae, amboyerovauka ye vaerä jëtaguasu kotɨ, joko pe ayukaukata.’ ”

2 REYES 7:5

Jayave, pɨ̈tu ma yave opüa reta yogüɨraja Siriaɨgua reta jeyupa kotɨ; ërei opata ma yogüɨraja oväe yave, oecha reta mbaetɨ etei kia joko pe vae.

JOB 15:21

Oendu jɨapu rami, okɨɨye yae chugüi vae, jaekavi yaecha ma oï yave, imonda vae reta opüa jese.

SALMOS 14:5

Orɨrɨi reta okɨɨye güi; echa Tumpa oï jupi vae reta ndive.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 36:9

Nde ngaraa ndepuere reñeraro cheruvicha guasu isundaro ruvicha taɨkuegua ete ndive ave, ¡nde rerovia Egipto omeeta ko ndeve kavayu jare sundaro kavayu regua reta vae!

JEREMÍAS 46:21

Sundaro reta omboepɨ güeru imborɨarä vae, toro taɨrusu oyemongɨragüe rami vi ipɨte pe, ërei jae reta vi oë otekuarai, mbaetɨ ipuere oyeepɨ, echa oväe ma isusere iara, jare oiporara vaerä iara.

EZEQUIEL 1:24

Jare aendu ipepo reta jɨapu oguata reta yave, ɨ tuicha vae jɨapu rami, Imbaepuere yae ete vae iñee rami, jeta yae vae reta jɨapu oyeendu rami, sundaro jeta yae vae jɨapu oyeendu rami. Opɨta reta yave, ombogüeyɨ reta ipepo.

EZEQUIEL 10:5

Araɨgua querubín reta ipepo jɨapu oyeendu oka ikatu pegua pe. Tumpa Imbaepuere yae ete vae imiari oï rami.

Apocalipsis 9:9

Jare jemimonde jete regua temimonde ñeraro pegua jiero peguaecha. Jare oveve reta yave, ipepo täta jɨapu, jeta yae kavayu reta güɨrosɨi käretou ñeraro pe rami.

JUECES 7:21

Jare metei ñavo vae oyemboɨ sɨmbi jenda ñavo pe teyupa iyɨ́vɨri rupi; jayave opaete tovaicho reta oë osɨi jäse reve otekuarai reta.

1 SAMUEL 14:15

Jare opaete teyupa pegua reta jare ikatu pe teyupa güi ñogüɨnoi vae reta okɨɨye rai yae. Jaeramiño vi sundaro reta teyupa pegua jare ñeraro regua reta okɨɨye yae reta vi, ɨvɨ okana, jare okɨɨye yae reta.

1 SAMUEL 26:6

Jayave David jei Ahimelec Het iñemuña pegua pe, jare Abisai, Sarvia imembɨraɨe Joab tɨkeɨ pe: —¿Kia pa ojota cherupíe teyupa kotɨ, Saúl oïa pe? —Che taja nde ndive —jei Abisai.