2 REYES 7:2 - Biblia Guarani Tumpa Iñee

² Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

2 REYES 7:2 ပူးပေါင်းရင်းမြစ်များ

GÉNESIS 7:11

Noé seisciento año ma güɨnoi yave; mokoía yasɨ re, diecisiete araa pe etei. Jókuae ara osoro ɨguasu jɨru ɨvɨgüɨ güi, jare ara güi oyepɨyere vi ama guasu.

2 REYES 5:18

Jaeño amoñera yandeYa iñɨ̈ro vaerä cheve metei mbae re: Cheruvicha guasu oike ombaemboete Rimón pegua tupao pe yave, jare oyepɨɨ yave cheyɨva re, che ayetavatɨka vi ko Rimón pegua tupao pe yave, yandeYa tiñɨ̈ro cheve jókuae ayapogüe re.

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

SALMOS 78:41

Oyerova reta ye jare ojäa reta Tumpa, ¡omboarasɨuka reta Iyoambae Israel pegua!

ISAÍAS 7:9

Tëta Samaria, jae ko kuae tëta güi mburuvicha reta oporookuai vae, tëtaguasu Efraín re, jare Remalías taɨ ko oï mburuvicha guasurä tëta Samaria pe. Pe reta mbaetɨ peporogüɨrovia avei yave, mbaetɨta vi peiko jekuae avei.’ ”

JEREMÍAS 29:32

jáeramo che, peYa jae, aiporaraukata Semaías pe jare iñemuña reta pe. Ngaraa oime iñemuña reta chembae vae reta ipɨte pe, ngaraa oecha mbae ikavigüe ayapota chembae vae reta pe vae, echa iñee rupi oporombopɨapochɨuka chekotɨ. Che peYa jae kuae.”

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

NÚMEROS 11:13

¿Ketɨ güi pa aväeta soo, opaete vae peguarä? Echa oyaeo reta cheve, jei reve: “Emee soo rou vaerä.”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

Romanos 3:3

¿Kërai pa jayave? Amogüe chugüi reta mbaetɨ güɨrovia. Jayave, güɨroviambae jeko pegua, ¿Tumpa ngaraa ra ombopo jei vae?

DEUTERONOMIO 3:27

Eyeupi ɨvɨtɨ Pisga re, jare emae kuaraɨ oikea kotɨ, ɨvɨtuguasu kotɨ, jare arayevɨ kotɨ, kuaraɨ oëa kotɨ, emae jese echa mbaetɨta reasa jokotɨ.

2 Timoteo 2:13

Mbaetɨ yave jupi kavi yaiko, jae iñee ombopo avei. Jae mbaetɨ iyapu.”