2 REYES 7:16 - Biblia Guarani Tumpa Iñee

¹⁶ Jayave opaete vae yogüɨraja güɨnoe mbaembae Siriaɨgua reta jeyupa güi. Jare yandeYa jei rami, trigokúi siete kilo vae jepɨ metei reare korepoti pegua, jare quince kilo cebada vae jepɨ metei reare korepoti pegua.

2 REYES 7:16 ပူးပေါင်းရင်းမြစ်များ

2 REYES 7:1

Jayave Eliseo jei: —Eyeapɨsaka yandeYa iñee re. Körai jei yandeYa: “Pɨareve koyave Samaria jöke pe oñemeeta trigokúi, chiu kilo vae jepɨta metei reare korepoti pegua jare quince kilo cebada vae jepɨta metei reare korepoti pegua.”

2 REYES 7:15

Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

2 CRÓNICAS 20:25

Jayave Josafat isundaro reta ndive yogüɨraja oeka vaerä tëogüe reta ipɨte rupi, jare oväe reta chupe jeta mbaeyekou, tembiporu ñeraro pegua, temimonde jare mbae jepɨ vae, jare jeta ïru mbaembae mbaetɨ ipuere güɨraja reta. Mboapɨ ara omboatɨ reta mbaembae, echa jeta yae.

SALMOS 68:12

“¡Otekuarai mburuvicha guasu reta jare isundaro reta!” Kuña reta o rupi opɨtagüe omboyao oyoupe mbae oñepɨ̈rogüe,

SALMOS 68:13

ërei pe reta opa peñemi. ¡Pɨkasu ipepo korepoti pe oñeovagüe rami! ¡Pɨkasu jaa oñeova oro pe rami!

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 33:23

Jókuae barco reta iguataka iɨ iïcha opa okúe, ngaraa ma ikavi omoata kavi vaerä. Oñepɨ̈rota opa oyemboyao yao jeta mbaembae tovaicho reta güi, oguatambae reta ave oiketa güɨnoe mbaembae.

ISAÍAS 33:4

jovaicho reta tuku jeta vae rami oporepeña jese reta, opaetei imbaeyekou oitɨvɨro chugüi reta, taso okaru vae rami.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Mateo 24:35

Ara jare ɨvɨ opata ko, ërei cheñee reta ngaraa opa.

1 SAMUEL 17:53

Israel iñemuña reta opa ye ma oyerova oporoaɨkuemoñaa güi yave, oike reta filisteo reta jeyupa güi güɨnoe mbaembae.