2 REYES 7:15 - Biblia Guarani Tumpa Iñee

¹⁵ Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

2 REYES 7:15 ပူးပေါင်းရင်းမြစ်များ

2 REYES 7:14

Jayave oipɨɨ reta mókoi käretou, kavayu regua reta ndive, jare mburuvicha guasu omondo Siriaɨgua reta jeyupa kotɨ, oikuaa reta vaerä mbae ra oime joko pe vae.

2 REYES 7:16

Jayave opaete vae yogüɨraja güɨnoe mbaembae Siriaɨgua reta jeyupa güi. Jare yandeYa jei rami, trigokúi siete kilo vae jepɨ metei reare korepoti pegua, jare quince kilo cebada vae jepɨ metei reare korepoti pegua.

ESTER 1:7

Jare jou reta vino kopa oro pegua pe, metei ñavo ambuaeyee yee ïru güi vae pe, jare jeta vino kavi mburuvicha guasu ipɨakavi rupi.

JOB 2:4

Satanás jei yandeYa pe: —Jekove oaɨu pɨpei, kuimbae omeeta ko opaete imbaembae, güɨroasayepe vaerä jekove.

ECLESIASTÉS 3:6

Oime ara, mbae yaeka vaerä, oime vi ara, ñanemaekañɨ vaerä. Oime ara, mbae ñañovatu vaerä, oime vi ara, mbae yamombo vaerä.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

ISAÍAS 22:24

Jese oyembosagüɨuta iñemuña reta, opaete mbaembae ikavigüe rami, oipotagüe tasa, tasa michi vae güive tasa tuicha vae rami.

ISAÍAS 31:7

Echa, opaete pe reta metei ara pemombo petumpa-raanga reta korepoti pegua ani oro pegua, peyapo peyeupe vae jare peyemboyoa pɨpe vae yave,

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

Hebreos 12:1

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae.