2 REYES 7:10 - Biblia Guarani Tumpa Iñee

¹⁰ Jayave yogüeru, jare osapúkai reta sundaro reta tëta guasu jöke järoa pe, jei reta: —Rojo Siriaɨgua reta jeyupa pe, jare mbaetɨ etei kia joko pe oï vae, mbaetɨ etei ñee ave oyeendu joko pe. Jaeño ete ñogüɨnoi kavayu reta, mburika reta oñeapɨti oï jare küaraɨa guakapi pegua reta, jae reta omopüa ramiño ñogüɨnoi.

2 REYES 7:10 ပူးပေါင်းရင်းမြစ်များ

2 SAMUEL 18:26

jare jókuae sundaro oecha ye ïru kuimbae osɨi ou oiko vae; jare osapúkai öke iyangarekoa pe: —¡Joko ou ye ïru kuimbae! Jare mburuvicha guasu jei: —Ñee jerúa vi ko jókuae.

2 REYES 7:11

Sundaro reta jókuae öke järoa omombeu aramoete pegua mburuvicha guasu jo pegua reta pe.

2 REYES 7:9

Ërei jei reta oyoupe: —Mbaetɨ ikavi yayapo ñaï vae. Kuae ara jae ko yaraja vaerä ñee ikavi vae, jare yande mbaetɨ yamombeu ñaï; jare ñaäro yave köe regua, yanderekota yapɨta. Ikavi ko yaja mburuvicha guasu pe ñanemiari.

1 CRÓNICAS 15:18

ombojee vi ïru jëtara reta jaɨkue yogüɨraja vaerä Zacarías, Jaaziel, Semiramot, Jehiel, Uni, Eliab, Benaía, Maasías, Matatías, Elifelehu, Micnías, jare öke iyangarekoa reta Obed-edom jare Jeiel.

1 CRÓNICAS 16:38

Oeya vi Obed-edom sesenta y ocho jëtara reta ndive, Obed-edom, Jedutún taɨ Hosa ndive öke iyangarekoarä.

2 CRÓNICAS 23:19

Oñono vi yandeYa itupao guasu jöke järoa reta, agüɨye vaerä kia oike Tumpa jóvai ikɨa oï reve.

SALMOS 127:1

YandeYa iporomborɨ mbaetɨ yave, oparavɨkɨiño ma ko tupao imopüaa reta. YandeYa mbaetɨ yave oyangareko tëta guasu re, oyangarekoiño ma ko tëta guasu iyangarekoa reta.