2 REYES 7:1 - Biblia Guarani Tumpa Iñee

¹ Jayave Eliseo jei: —Eyeapɨsaka yandeYa iñee re. Körai jei yandeYa: “Pɨareve koyave Samaria jöke pe oñemeeta trigokúi, chiu kilo vae jepɨta metei reare korepoti pegua jare quince kilo cebada vae jepɨta metei reare korepoti pegua.”

2 REYES 7:1 ပူးပေါင်းရင်းမြစ်များ

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

2 REYES 20:16

Jayave Isaías jei Ezequías pe: —Eyeapɨsaka kuae yandeYa iñee re:

2 REYES 4:42

Jayave ou metei kuimbae Baal-salisa pegua, güeru Eliseo Tumpa iñeemombeúa pe mbaagüɨyerɨpɨ: Veinte mbɨyape cebada pegua jare trigo ipɨau vae ivokoo pe. Jayave Eliseo jei jembiokuai pe: —Emee kuimbae reta pe, jou reta vaerä.

2 REYES 6:25

Jókuae oñeova oï jeko pegua karuai yae tëta Samaria pe; jáeramo metei mburika iñäkagüe jepɨ ochenta reare korepoti pegua, jare cuarto litro pɨkasu repoti vae jepɨ pandepo reare korepoti pegua.

2 REYES 6:33

Jare Eliseo imiari oï jókuae tenondegua reta ndive ramboeve, jókuae ñee jerúa ou oväe Eliseo pɨri, jare jei: —Mase, kuae ikavimbae ombou yandeve yandeYa, ¿mbae yemborɨ pa aärota chugüi?

2 REYES 7:16

Jayave opaete vae yogüɨraja güɨnoe mbaembae Siriaɨgua reta jeyupa güi. Jare yandeYa jei rami, trigokúi siete kilo vae jepɨ metei reare korepoti pegua, jare quince kilo cebada vae jepɨ metei reare korepoti pegua.

SALMOS 46:5

Tumpa oime oï pɨpe, ngaraa maratu; Tumpa omborɨta köe yave.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 16:12

—Che aendu Israel iñemuña reta iñeenguru vae; nemiari chupe reta körai: Kaaru yave peuta soo, jare ndeimbove yave perɨ̈vɨatata mbɨyape re. Jayave peikuaata che ko jae peYa Tumpa vae.

ÉXODO 8:23

Jare che aepɨta chembae vae retaño ndembae vae reta güi. Pɨareve oyeapota kuae mɨakañɨ.’ ”

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

EZEQUIEL 37:4

Jayave yandeYa jei cheve: “Emoërakua kuae maekägüe reta pe maratuta oasata vae, ere chupe reta: ‘Maekägüe otini vae reta, peyeapɨsaka yandeYa iñee re.

San Juan 6:9

—Oime kuae pe metei kunumi pandepo mbɨyape cebada pegua güɨnoi vae jare mókoi jevae raɨ. Ërei jókuae mbaeä ko kuae jeta vae reta jou vaerä.

JOSUÉ 3:5

Jare Josué jei opaete vae pe: “Peñeñono tee Tumpa pe, echa pɨareve yandeYa oyapota mɨakañɨ pepɨte pe.”

Apocalipsis 6:6

Jare aendu ñee jókuae irundɨ oikove vae reta ipɨte pe jei: “Metei kilo trigo jepɨ metei denario, jare mboapɨ kilo cebada jepɨ metei denario. Ërei agüɨye erokomegua asaite jare vino.”

1 SAMUEL 11:9

Jare jei jókuae ñee jerajaa yogüeru ñee omombeu vae reta ndive: —Körai pere Jabes pegua reta pe Galaad pe: “Pɨareve kuaraɨ ara mbɨte yave poepɨta.” Ñee jerajaa reta yogüɨraja jare omombeu Jabes pegua reta pe, jare jae reta täta oyerovia.

1 SAMUEL 15:1

Jaɨkue rupi Samuel jei Saúl pe: —YandeYa ko cheokuai roparavo yave mburuvicha guasurä, jëta imbae vae Israel iñemuña reta re; jáeramo añave, eïndaivi reendu vaerä yandeYa iñee amombeuta ndeve vae.