2 REYES 6:25 - Biblia Guarani Tumpa Iñee

²⁵ Jókuae oñeova oï jeko pegua karuai yae tëta Samaria pe; jáeramo metei mburika iñäkagüe jepɨ ochenta reare korepoti pegua, jare cuarto litro pɨkasu repoti vae jepɨ pandepo reare korepoti pegua.

2 REYES 6:25 ပူးပေါင်းရင်းမြစ်များ

GÉNESIS 41:55

Jeiete yae ma karuai Egipto pe yave yogüeru opaete vae oeka tembíu Faraón pe; ërei Faraón jei Egiptoɨgua reta pe: “Pekua José oïa pe jare peyapo opaete jae iporookuai.”

1 REYES 18:2

Jare Elías ojo oyeechauka Acab pe. Karuai jeiete yae tëta Samaria pe.

2 REYES 25:3

Irundɨa yasɨ chau araa pe, jókuae año re karuai jeiete yae ma jókuae tëta pe, mbaetɨ ma oime tembiurä jókuae tëta pegua reta pe.

2 REYES 6:26

Metei ara mburuvicha guasu Israel pegua oasa tëta guasu ikësea iárambo rupi yave, metei kuña osapúkai chupe: —¡Cheruvicha guasu, chemborɨ!

2 REYES 7:12

Jare mburuvicha guasu opüa pɨ̈tu reve, jare jei imborɨa reta pe: —Chemiarita peve, Siriaɨgua reta oyemongeta oyapo yandeve vae re. Kërai oikuaa reta yande yaiporara ñaï yɨmbɨaɨ vae, opa reta ko ñogüɨnoe jeyupa güi, jare oñemi ñogüɨnoi kaa rupi, echa oyemongeta reta yande opa ñaë tëta guasu güi yave, jae reta yandepɨɨta yanderekove reveño, jare oike retata tëta guasu pe.

2 REYES 7:4

Yaike yave tëta guasu pe, yandeyukata yɨmbɨaɨ, karuai jeko pegua; jare kuae pe yapɨta yave ñamanota vi. Yaja Siriaɨgua reta jeyupa kotɨ; jae reta omaeño yaikove yave, yaikoveta; ani yandeyuka reta yave, ñamano.

JEREMÍAS 14:18

Aja yave ñuu kotɨ, aecha tëogüe reta, ñeraro pe omanogüe reta; aike yave tëta guasu pe, aecha jovarurugüe, ñeemombeúa reta jare sacerdote reta ave opa yogüɨraja reta ïru ɨvɨ pe.’ ”

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 52:6

Irundɨa yasɨ chau araa pe, jókuae año re karuai jeiete yae ma jókuae tëta guasu pe, mbaetɨ ma oime tembiurä jókuae tëta pegua reta pe.

EZEQUIEL 4:17

Jare oata chupe reta ɨ jare tembíu yave, omae retata oyoe okɨɨye reve. Omano retata iyoa jeko pegua.”

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.