2 REYES 6:24 - Biblia Guarani Tumpa Iñee

²⁴ Metei ara Ben-adad, mburuvicha guasu Siria pegua omboatɨ opaete isundaro reta jare ojo oñova tëta Samaria, oñeraro vaerä joko pegua reta ndive.

2 REYES 6:24 ပူးပေါင်းရင်းမြစ်များ

1 REYES 20:1

Mburuvicha guasu Ben-adad, Siria pegua, omboatɨ opaete isundaro reta, jare treinta y dos mburuvicha guasu oñemoïru jae ndive vae reta, ikavayu re jare ikäretou ñeraro pegua reve reve, yogüɨraja opa oñova Samaria jare opüa jese.

1 REYES 22:31

Ërei mburuvicha guasu Siria pegua jei jókuae treinta y dos sundaro ruvicha käretou ñeraro pegua reta pe, agüɨye vaerä oñeraro reta oipotagüe ndive, jaeño mburuvicha guasu Israel pegua ndive.

2 REYES 17:5

javoi mburuvicha guasu Asiria pegua oike isundaro reta ndive opaete ɨvɨ Israel pe, jare oñova tëta guasu Samaria, oïraro güɨreko mboapɨ año rupi.

2 REYES 18:9

Ezequías irundɨa año ma oiko mburuvicha guasurä Judá pe yave, jare Oseas, Ela taɨ, chiúa año ma oiko mburuvicha guasurä Israel pe yave, Salmanasar, Asiria pegua reta juvicha guasu oporepeña Samaria re jare opa oñova.

2 REYES 25:1

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta yeupika jókuae tëta guasu iyɨ́vɨri rupi.

2 REYES 25:3

Irundɨa yasɨ chau araa pe, jókuae año re karuai jeiete yae ma jókuae tëta pe, mbaetɨ ma oime tembiurä jókuae tëta pegua reta pe.

2 REYES 6:8

Mburuvicha guasu Siria pegua omboɨpɨ oñeraro Israel pegua reta ndive, jare omboatɨ isundaro ruvicha reta pe jei, kia kia pe oñono vaerä jeyupa.

2 REYES 7:4

Yaike yave tëta guasu pe, yandeyukata yɨmbɨaɨ, karuai jeko pegua; jare kuae pe yapɨta yave ñamanota vi. Yaja Siriaɨgua reta jeyupa kotɨ; jae reta omaeño yaikove yave, yaikoveta; ani yandeyuka reta yave, ñamano.

2 REYES 8:7

Javoi Eliseo ojo Damasco pe. Jókuae ara rupi Ben-adad mburuvicha guasu Siria pegua imbaerasɨ oï; jare omombeu reta chupe Tumpa iñeemombeúa ou oväe joko pe vae.

ECLESIASTÉS 9:14

Metei tëta michi vae, mbaetɨ jeta yogüɨreko pɨpe vae re oporepeña metei mburuvicha guasu, jare opa oikëse oñono ɨvategüe yeupika jese.

AMÓS 1:4

Jáeramo mburuvicha Hazael jo re amoendɨta tata, jókuae tata opata oapɨ mburuvicha guasu Ben-adad jo kavi reta.

DEUTERONOMIO 28:52

Oñova retata opaete perëta guasu reta, oa regua tëta ikësea täta jare ɨvate vae reta, pe peyerovia jese vae, opaete kuae ɨvɨ pe; oñova retata opaete tëta reta yandeYa omee ɨvɨ pevea pe.