2 REYES 6:22 - Biblia Guarani Tumpa Iñee

²² Ërei Eliseo jei chupe: —Agüɨye eyuka reta, ¿reyukata pa tembipɨɨrä reyapouka reta ndekɨsepuku pe jare nderuvɨ pe vae? Emee tokaru jare toɨu reta, javoi topa ye toyogüɨraja juvicha guasu reta kotɨ.

2 REYES 6:22 ပူးပေါင်းရင်းမြစ်များ

GÉNESIS 48:22

Jare tuicha amee ndeve nderɨkeɨ reta güi, amee ndeve Siquem, ñoraro pe apɨ̈ro amorreo reta güi vae.

SALMOS 44:6

Echa ngaraai ayerovia chegüɨrapa re, chekɨsepuku ave ngaraa chereroasayepe;

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

JOSUÉ 24:12

Jare mókoi mburuvicha guasu reta, amorreo reta juvicha guasu mbaetɨ pe reta pemoamɨri kɨsepuku pe ani uvɨ pe, echa che ambou kɨɨye yavaetegüe perenonde, jae reta opa vaerä otekuarai pegüi ndei peväe joko pe mbove.