2 REYES 5:8 - Biblia Guarani Tumpa Iñee

⁸ Eliseo, Tumpa iñeemombeúa oikuaa mburuvicha guasu Israel pegua omondoro jemimonde yave, omondo jeiuka mburuvicha guasu pe: “¡Remondoroiño ma nderemimonde! Tou jókuae kuimbae chekotɨ, oikuaa vaerä oime ko ñeemombeúa Israel pe vae.”

2 REYES 5:8 ပူးပေါင်းရင်းမြစ်များ

2 SAMUEL 3:31

Jayave David jei Joab pe jare opaete jupiegua reta pe: “Pemondoro peremimonde jare peyemonde temimonde mbɨatɨtɨ pegua pe, Abner imano re.” Jare mburuvicha guasu David ojo oiko tëogüe jaɨkue.

1 REYES 12:22

Ërei yandeYa imiari iñeemombeúa Semaías pe, jei reve:

1 REYES 17:24

Jare kuña imemano vae jei: —Añave aikuaa nde añetete jae Tumpa iñeemombeúa jare Tumpa iñee remombeu vae añete vae ko.

2 REYES 1:6

Jae reta jei: —Metei kuimbae orerövaiti jare jei oreve: Peyerova ye jókuae mburuvicha guasu pembou vae kotɨ, jare pere chupe: “Körai jei yandeYa: ¿Mbaetɨ pa Israel pe Tumpa, nde remondo vaerä reparandu Baal-zebub tumpa Ecrón pegua pe? Ngaraa ma repüa jókuae nderupa güi, remanota.”

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

2 REYES 5:3

Kuae kuñatai jei iya kuña pe: —Cheya omoñera ñeemombeúa Samaria pe oï vae yave, ombogüerata ko ipire mbaerasɨ ókui vae güi.

2 REYES 5:7

Mburuvicha guasu Israel pegua omongeta güire jókuae tupapire, omondoro jemimonde ipɨatɨtɨ güi, jare jei: —¿Tumpa yera che, tekove oekɨ vae jare omee ye tekove vae, ombou vaerä kuae cheve, metei kuimbae ambogüera vaerä ipire mbaerasɨ ókui vae güi? ¡Peikuaa kavi añave, oeka kërai chemboeko vaerä jare oporepeña vaerä cheré!

2 REYES 5:9

Jare ou Naamán ikavayu reta ndive jare ikäretou reta ndive oyemboɨ Eliseo jo jöke pe.

ÉXODO 11:8

Jare yogüeruta opaete ndemborɨa reta cheróvai, jare oyetavatɨkata cheróvai jei reve: “Ekua, jare eraja opaete kuae tëta oï ndepo igüɨ pe vae.” Kuae jaɨkue rupi ramo aëta. Jare Moisés iyarasɨ yae oë ojo Faraón jóvai güi.

EZEQUIEL 2:5

Güɨramoi ra oyeapɨsaka retata ani mbaetɨta, echa jae reta ko ipɨapochɨ vae, ërei oikuaa retata, oime ko jae reta ipɨte pe ñemombeúa vae.

OSEAS 12:13

Metei ñeemombeúa rupi, yandeYa güɨnoe Israel iñemuña reta Egipto güi; ¡metei ñeemombeúa rupi oyangareko jese reta!

Romanos 11:13

Pe judiombae vae reta pe ko chemiari aï. Echa che ko jae Temimondo judiombae vae reta pe. Amboete yae ko kuae cheparavɨkɨ Cristo omee cheve vae;

1 SAMUEL 9:6

Jare jembiokuai jei chupe: —Mase, kuae tëta guasu pe oime oiko metei kuimbae Tumpa iñeemombeúa, kuimbae jërakua yae vae ko, jare opaete mbae jei vae oyeapo jae jei rami etei. Yaja ípɨri, güɨramoi jae omombeu kavita yandeve kerupi yaja vaerä.