2 REYES 5:26 - Biblia Guarani Tumpa Iñee

²⁶ Ërei Eliseo jekuae jei ye chupe: —Kuimbae ogüeyɨ ikäretou güi ndemboresive vaerä yave, che joko pe aï cheyemongeta rupi. Añave mbaetɨ ikavi yamboresive vaerä korepoti, temimonde reta, ani yagua vaerä ko, uvarupa, vecha reta, güeye reta, tembiokuai kuimbae reta jare tembiokuai kuña reta.

2 REYES 5:26 ပူးပေါင်းရင်းမြစ်များ

GÉNESIS 14:23

mbaetɨta aipɨɨ mbae michi vae ave ndembaembae nderovaicho reta güi apɨ̈ro ye vae, inimbo yepe ani pɨapaa iïcha yepe, echa mbaetɨ aipota rere: “Che ko amboikokatu Abram.”

2 REYES 5:16

Ërei Eliseo jei chupe: —YandeYa jee re, jae jóvai aï vae jee re, mbaetɨta aipɨɨ ndegüi. Yepe tëi Naamán omoñera, ërei Eliseo mbaetɨ oipɨɨ chugüi.

2 REYES 6:12

Jayave sundaro ruvicha reta güi metei jei: —Mbaetɨ cheruvicha guasu. Ñeemombeúa Eliseo ko oï Israel pe, jae ko omombeu mburuvicha guasu Israel pegua pe jókuae ñee reta rere ndero japɨpe pe vae.

SALMOS 63:11

Ërei che mburuvicha guasu ayeroviata nderé; oyemboeteta opaete jei nderee re vae, echa iyapu imiari vae reta, iyuru oyeokendata.

PROVERBIOS 12:19

Añetete rupi imiari vae, oiko aveita, ërei yapu yae vae, ngaraa etei ɨma oiko.

PROVERBIOS 12:22

Yapu imiari vae, pɨ̈chɨi yae ko yandeYa pe, ërei oyerovia katu omae, añetete rupi imiari vae reta re.

JEREMÍAS 45:5

¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”

HAGEO 1:4

Ërei, ¿peve reta pa oväe ma ara peiko vaerä o ikavigüe rupi, chero oyemboai oï ramboeve?

San Mateo 10:8

Pembogüera imbaerasɨ vae reta. Pembogüera ipire mbaerasɨ ókui vae reta. Pemoingove ye omanogüe vae reta. Pembosɨrɨ aña reta oya jese vae reta güi. Che amee ma peve kuae mbaepuere jepɨmbae. Jáeramo agüɨye vi pekovara mbae peyapota vae re.

Hechos 20:33

Mbaetɨ aipota amae ïru vae ikorepoti, ioro ani jemimonde re.

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

Hechos 5:9

Jare Pedro jei chupe: —¿Maera pa pe reta peyomborɨ katu pejäa vaerä yandeYa iEspíritu? Mase, ko öke pe ma yogüeru neme iñotɨa reta. Ndereraja retata vi.

1 Corintios 5:3

Echa yepe tëi mbaetɨ aï pe ndive, ërei chepɨa pe oime aï pe ndive, jare ajäa ma jókuae teko iyapoa.

Colosenses 2:5

Echa yepe tëi che mbaetɨ aï pépɨri, ërei chepɨa pe aï pe ndive, ayerovia jare aikuaa kërai peiko kavi oyoupi, jare peñemomɨ̈rata peporogüɨrovia pe Cristo re.