2 REYES 5:22 - Biblia Guarani Tumpa Iñee

²² Giezi jei: —¡Ikaviño! Cheya chembou jae ndeve: “Ko yogüeru oväe chépɨri ɨvɨtɨ Efraín güi mókoi taɨrusu vae ñeemombeúa reta; romoñera remee vaerä chupegua retarä tres mil reare korepoti pegua, jare mókoi yepoepɨ pegua temimonde ipɨaugüe.”

2 REYES 5:22 ပူးပေါင်းရင်းမြစ်များ

1 REYES 13:18

Ërei indechi vae jeiete yapu reve omoñera: —Che jae vi ko Tumpa iñeemombeúa nde rami, metei araɨgua omombeu Tumpa iñee cheve jei reve: “Ekua eru ndero pe. Tokaru jare tou ɨ.”

1 REYES 20:35

Ërei ngatu metei kuimbae ñeemombeúa reta güi oyókuai iñeïru, Tumpa jei chupegüe rupi: —¡Eyapo ikavi vae cheve, chembopere! Ërei jókuae iñeïru mbaetɨ oipota oyapo.

1 REYES 20:39

Jare mburuvicha guasu oasa jókuae tape rupi yave, ñeemombeúa iñeeäta reve jei chupe: —Mburuvicha guasu, che nderembiokuai aja ñeraroa pe, jare jókuae ñeraro pɨte güi oë metei sundaro güeru cheve metei tembipɨɨ, omee chepo pe ayangareko vaerä jese. Ërei omombeu voi cheve, otekuarai ko chegüi yave amboepɨta cherekove pe, ani tres mil reare korepoti pegua pe.

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

2 REYES 2:3

Ërei Bet-el pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe: —¿Reikuaa pa añave yandeYa oupita ndegüi ndemboea vae? Eliseo jei: —Jäa, aikuaa. ¡Pekïrii!

2 REYES 2:5

Ërei Jericó pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe: —¿Reikuaa pa añave yandeYa oupita ndegüi ndemboea vae? Eliseo jei: —Jäa, aikuaa. ¡Pekïrii!

2 REYES 2:7

Jayave yogüeru cincuenta ñeemombeúa reta, jare oyemboɨ reta mombɨrɨ jenonde kotɨ; Elías jare Eliseo oyemboɨ ɨ̈aka Jordán jembeɨ pe.

2 REYES 4:26

Romoñera resɨi vaerä reo reövaiti, jare ere chupe. ¿Kërai pa reï? ¿Kërai pa neme jare nemembɨ oï? Jókuae tembiokuai ojo jökorai jei chupe. Jare jókuae kuña jei chupe: —Ikaviño ñogüɨnoi.

2 REYES 5:21

Jare Giezi oaɨkuemoña Naamán; jare Naamán oecha jaɨkue osɨi ou yave, ogüeyɨ ikäretou güi omboresive vaerä, jare jei chupe: —¿Kërai? ¿Oime mbae?

2 REYES 5:25

Javoi ojo oñeñono iya jóvai, jare Eliseo oparandu chupe: —¿Ketɨ güi pa reyu, Giezi? Giezi jei: —Mbaetɨ ketɨ aja.

2 REYES 5:5

Jare Siria pegua mburuvicha guasu jei chupe: —Ekua, che amondota tupapire mburuvicha guasu Israel pegua pe. Jare ojo. Güɨraja treinta mil reare korepoti pegua, seis mil reare oro pegua, jare payandepo yepoepɨ pegua temimonde,

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

JEREMÍAS 9:5

Metei ñavo ombotavɨ ivɨa-ïru, mbaetɨ etei kia ave jei añetete vae. Oyepokuaa reta iyapu; ikavimbae yae reta ko, yavai yae oyepoepɨ reta vaerä.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

JOSUÉ 24:33

Omano vi Eleazar, Aarón taɨ, jare oñotɨ reta taɨ Finees iɨvɨtɨ re, ɨvɨtɨ Efraín re oñemee chupe reta vae pe.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

JUECES 14:12

Jare jókuae treinta vae pe, Sansón jei: —Jaeta peve mbae yavai yae vae. Chiu ara kuae arete oikota vae pe pemombeu cheve mbae ra oipota jei vae yave, che ameeta metei ñavo vae pe temimonde iarambogua lino ikavi yae vae pegua, jare temimonde arete pegua.