2 REYES 5:21 - Biblia Guarani Tumpa Iñee

²¹ Jare Giezi oaɨkuemoña Naamán; jare Naamán oecha jaɨkue osɨi ou yave, ogüeyɨ ikäretou güi omboresive vaerä, jare jei chupe: —¿Kërai? ¿Oime mbae?

2 REYES 5:21 ပူးပေါင်းရင်းမြစ်များ

2 REYES 4:26

Romoñera resɨi vaerä reo reövaiti, jare ere chupe. ¿Kërai pa reï? ¿Kërai pa neme jare nemembɨ oï? Jókuae tembiokuai ojo jökorai jei chupe. Jare jókuae kuña jei chupe: —Ikaviño ñogüɨnoi.

2 REYES 5:20

Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

2 REYES 5:22

Giezi jei: —¡Ikaviño! Cheya chembou jae ndeve: “Ko yogüeru oväe chépɨri ɨvɨtɨ Efraín güi mókoi taɨrusu vae ñeemombeúa reta; romoñera remee vaerä chupegua retarä tres mil reare korepoti pegua, jare mókoi yepoepɨ pegua temimonde ipɨaugüe.”

Hechos 8:31

Jare eunuco jei Felipe pe: —¿Këraita pa aikuaa, mbaetɨ yave kia chemboe jese? Jare omoñera Felipe oyeupi vaerä ikäretou pe oguapɨ jae ndive.