2 REYES 5:20 - Biblia Guarani Tumpa Iñee

²⁰ Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

2 REYES 5:20 ပူးပေါင်းရင်းမြစ်များ

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

2 REYES 13:19

Jayave Tumpa iñeemombeúa iyarasɨ ikotɨ, jare jei chupe: —Uvɨ reiporu yave mona pandepo ani ova ye, remoamɨrita tëi Siria opaetei remokañɨtei regua; añave mboapɨ veseño remoamɨrita.

2 REYES 4:12

Jayave jei jembiokuai Giezi pe: —Eenɨi jókuae kuña o iya. Jókuae tembiokuai oenɨi, jare jókuae kuña ou Eliseo oïa pe yave,

2 REYES 4:25

Jayave jókuae kuña ojo; ojo oväe ɨvɨtɨ Carmelo pe, Tumpa iñeemombeúa oïa pe. Jare Tumpa iñeemombeúa oecha yave mombɨrɨ güi, jei jembiokuai Giezi pe: —Mase, ko ou kuña Sunem pegua.

2 REYES 4:31

Jayave Eliseo opüa ojo jae ndive. Giezi ojo jae reta jenonde. Jare oñono popoka kunumi raɨ jova re, ërei jókuae kunumi raɨ mbaetɨ etei omɨi chupe; Giezi ojo ye oövaiti Eliseo, jare imiari chupe, jei reve: —Kunumi raɨ mbaetɨ oikove.

2 REYES 4:36

Eliseo oenɨi Giezi, jare jei chupe: —Eenɨi jókuae kuña o iya. Giezi ojo oenɨi, jare jókuae kuña ou Eliseo oïa pe yave, jei jókuae kuña pe: —Ko oï nemembɨ.

2 REYES 5:16

Ërei Eliseo jei chupe: —YandeYa jee re, jae jóvai aï vae jee re, mbaetɨta aipɨɨ ndegüi. Yepe tëi Naamán omoñera, ërei Eliseo mbaetɨ oipɨɨ chugüi.

2 REYES 5:21

Jare Giezi oaɨkuemoña Naamán; jare Naamán oecha jaɨkue osɨi ou yave, ogüeyɨ ikäretou güi omboresive vaerä, jare jei chupe: —¿Kërai? ¿Oime mbae?

2 REYES 6:31

Mburuvicha guasu jei: “¡Tumpa toiporarauka jeta cheve, kuae ara voi mbaetɨ ko Eliseo, Safat taɨ iñäka ayasɨa yave!”

2 REYES 8:4

Jare mburuvicha guasu imiari oï Giezi, Eliseo Tumpa iñeemombeúa jembiokuai ndive, jei chupe: “Romoñera nemiari vaerä cheve opaete mɨakañɨ reta Eliseo oyapogüe re.”

2 REYES 8:7

Javoi Eliseo ojo Damasco pe. Jókuae ara rupi Ben-adad mburuvicha guasu Siria pegua imbaerasɨ oï; jare omombeu reta chupe Tumpa iñeemombeúa ou oväe joko pe vae.

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ÉXODO 20:7

Agüɨye peenɨi raangaiño peYa Tumpa jee. Echa ngaraa aeya jekombae rami, jókuae nunga chereenɨi raangaiño vae.

PROVERBIOS 26:16

Iyakɨ vae, yarakuaa katu yae ko omae iyé, jeta kuimbae reta oporomboarakuaa vae güi.

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

HABACUC 2:9

¡Paravete, omotɨnɨe jo mbaembae oñomigüe pe vae, ombokavi jo oasayepe vaerä ikavimbae güi!

San Mateo 10:4

Simón cananita, jare Judas Iscariote (jae ko omee Jesús jovaicho reta ipo pe vae).

San Mateo 26:9

Echa ipuere tëi ko oñemee jeta korepoti re, oñemee vaerä iparavete vae reta pe.

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

San Juan 13:2

Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

San Juan 6:70

Jayave Jesús jei chupe reta: —Che ko poparavo pe doce vae reta. Ërei oime metei pepɨte pe aña pe oyeokuai vae.

Hechos 5:2

Jare Ananías oekɨ iyeupe jókuae ɨvɨ jepɨgüe güi jembireko vi oikuaa reve, jare güeru mbovɨño oñono temimondo reta ipo pe.

2 Timoteo 4:10

echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

1 SAMUEL 14:39

¡YandeYa Israel iñemuña reta oepɨ vae jee re tae: Yepe tëi cheraɨ ko Jonatán, ërei iyoa ko yave, tomano! Jare mbaetɨ etei kia ave yepe iñee omoë chupe.