2 REYES 5:17 - Biblia Guarani Tumpa Iñee

¹⁷ Jayave Naamán jei: —Jökorai ko yave, emaeño taraja cheyeupe ɨvɨ mókoi voɨta mókoi mburika guasu re kuae Israel güi. Echa kuae güire che ngaraa ye ma mɨmba oyeyukagüe opaetei oyeapɨ vae ani mɨmba oyeyukagüe amee ïru tumpa reta pe, jaeño yandeYa pe.

2 REYES 5:17 ပူးပေါင်းရင်းမြစ်များ

2 REYES 5:12

Abana jare Farfar ɨ̈aka reta Damasco pegua, ¿mbaetɨ pa ikavi opaete ɨ reta Israel pegua güi? Ayeyoe pɨpe reta yave, ¿mbaetɨta pa akuera vi apɨta?” Jare iyarasɨ oyerova ye ojo.

2 REYES 5:18

Jaeño amoñera yandeYa iñɨ̈ro vaerä cheve metei mbae re: Cheruvicha guasu oike ombaemboete Rimón pegua tupao pe yave, jare oyepɨɨ yave cheyɨva re, che ayetavatɨka vi ko Rimón pegua tupao pe yave, yandeYa tiñɨ̈ro cheve jókuae ayapogüe re.

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Romanos 14:1

Pemboresive kavi ipɨtu iporogüɨrovia pe vae, ërei agüɨye peyoaka vaerä jae ndive.

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.