2 REYES 5:15 - Biblia Guarani Tumpa Iñee

¹⁵ Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

2 REYES 5:15 ပူးပေါင်းရင်းမြစ်များ

GÉNESIS 33:11

Romoñera reipɨɨ vaerä mbota aru ndeve vae, echa Tumpa chemboikokatu jare opaete mbaembae anoi vae chembae ko. Jacob jeta omoñera, Esaú oipɨɨ,

1 REYES 13:7

Jayave mburuvicha guasu jei Tumpa iñeemombeúa pe: —Eyu yaja cherupíe chero pe rekaru vaerä jare rombopotata vi mbae pe.

1 REYES 18:36

Jare ou ma oväe oñemee vaerä mɨmba oyeyukagüe opaetei oyeapɨ vaerä yave, ñeemombeúa Elías oya katu jese, jare jei: “¡CheYa, Abraham iTumpa, Isaac jare Israel iTumpa, toyekuaa añave, oime ko reiko Israel iñemuña reta ndive vae, jare che ko nderembiokuai vae, jare ndeporookuai rupi ayapo opaete kuae mbaembae reta vae!

2 REYES 19:15

Javoi oyerure yandeYa pe, jei körai: “CheYa, Israel iTumpa, araɨgua reta querubín iä ipäu pe reiko vae, ndeño ko jae opaete mborookuaía reta ɨvɨ pegua iTumpa, nde reyapo ara jare ɨvɨ.

2 REYES 19:19

Añave oreYa Tumpa, romoñera orereroasayepe vaerä ndembaepuere pe, oikuaa vaerä opaete mborookuaía reta ɨvɨ pegua, ndeño ko jae oreYa Tumpa vae.”

2 REYES 5:8

Eliseo, Tumpa iñeemombeúa oikuaa mburuvicha guasu Israel pegua omondoro jemimonde yave, omondo jeiuka mburuvicha guasu pe: “¡Remondoroiño ma nderemimonde! Tou jókuae kuimbae chekotɨ, oikuaa vaerä oime ko ñeemombeúa Israel pe vae.”

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 3:29

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

2 Corintios 9:5

Jáeramo ayemongeta ikavi ko orerɨvɨ reta räri yogüɨraja vaerä pépɨri, jökorai jae reta ipuereta pemborɨ opa vaerä pemboatɨ korepoti tenonde ma peñererökuavee pemee vaerä vae. Jökorai, che aja pépɨri yave, oyekuaata pemee pepɨa kavi reve vae, mbaetɨ ore poyókuai ramoño.

JOSUÉ 9:24

Jare Gabaón pegua reta jei Josué pe: —Royapo ko kuae, echa rokɨɨye yae nde opata oreyuka vae güi, echa jërakua oreve, peYa Tumpa oyókuai jembiokuai Moisés, omee vaerä peve opaete kuae ɨvɨ jare pemokañɨtei vaerä opaete kuae ɨvɨ pe yogüɨreko vae reta.

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,

1 SAMUEL 25:27

Jare añave kuae mbota reta aru ndeve vae, toñemee kuimbae nderembiokuai reta pe.

1 SAMUEL 9:7

Saúl jei jembiokuai pe: —Yaja jayave. Ërei, ¿mbae pa yarajata jókuae kuimbae pe? Echa mbɨyape opa ma yandeaporoka pe, jare mbaetɨ mbae ñamee vaerä Tumpa iñeemombeúa pe.